24.09.24
UKA2024/23
Hans Enoksen, Naleraq
Kalaallit Nunaanni sulinermi ajoqusernermut isumannaarineq pillugu inatsisip allanngortinneqarnissaa
pillugu Inatsisissamut Siunnersuummut allaqqaakkamut Namminersorlutik Oqartussat
akuersissuteqarnissaat pillugu Inatsisartut aalajangiiffigisassaannut siunnersuut
(Nalunaarutiginninnermut malittarisassanik naligiissaarineq, sulinermi ajutoornerit il.il. pineqartillugit
akuersaarnissamut apeqqummik sukangannginnerusumik nalilersuineq)
(Isumaginninnermut, Ilaqutariinnermut, Suliffeqarnermut Nunamullu Namminermut Naalakkersuisoq)
Siullermeerneqarnera
Nunatsinni sulinermi ajoqusernermut isumannaarineq pillugu Naalakkersuisut saqqummiussaat
oqaaseqarfigissavarput.
Sulinermi ajoqusernermut tunngasut inatsisikkut naleqqussaaffigineqarnissaat
saqqummiunneqartoq pisariaqarluinnartoq iluarisimaarlugu saqqummiussaq
nuannaarutigigatsigu.
Tassami takornartaanngilaq sulinerminni ajutoorsimasut ikiorsiiffigineqarnissaminnik sivisuumik
utaqqisinneqartarput inunnut taamatut ajutoorsimasut assut ilungersunartumik kinguneqartarput
allaat inuuniarnikkut atugaat utaqqisitaarujussuarnermikkut annertuumik innallerneqartarmat.
Neriuppugut aamma naammagittaalliornermut tunngasut sukkasuumik suliarineqartarnissaat
sukkanerusumik ingerlanneqartalernissaat anguneqarsinnaassasoq.
Ajutoorsinnaanermut sillimassiisarneru annertuumik qaammarsaassutigineqarnissaa ilanngullugu
oqaatigerusupparput inuppassuit ilaatigut sulisartut allallu sinerissami najugallit ilanngullugit
qaammarsaaffigineqartariaqartut Naalakkersuisunut kaammattuutigerusupparput.
Ilanngullugu aamma kaammatuutiginiarparput nunatta sineriaani aamma arbejdstilsyn aamma
angalanerusariaqartoq ilaatigut sulliviit ilumut illersorneqarsinnaanersut sulisullu eqqarsaatigalugit
aamma suliffigissaasut sinerissamut angalanerusariaqarput timitalimmik aaqqissuussisoqarnissaa
pisariaqarluinnarmat.
Assersuutigalugu aalisakkerivinni sulisut annertoorujussuarmik sulinerminni oqimaatsunik inuup
nukingi kivittaarisarnerit illersorneqarsinnaanngitsumik sulisitsinerit akuersaarneqarsinnaanngillat.
Nunaqarfippassuarni eqqaavilerisut atugaat ajuissut minnerpaamilluunniit arbejdstilsyn-imik
aamma suliffigissaasunik alakkarneqarneq ajorpoq, uffalu peqqinnanngilluinnartumik
atugassaqartitaallutik allaat akissarsiat minnerpaartaannik akissarsialerlugit sulisinneqartarlutik.