23.09.2024
UKA2024/23
Siunnersuut uunga Kalaallit Nunaanni sulinermi ajoqusernermut isumannaarineq pillugu inatsisip
allanngortinneqarnissaanut pillugu Inatsisissamut Siunnersuummut Namminersorlutik Oqartussat
akuersissuteqarnissaat
pillugu
Inatsisartut
aalajangiiffigisassaannut
siunnersuut
(Nalunaarutiginninnermut malittarisassanik naligiissaarineq, sulinermi ajutoornerit il.il. pineqartillugit
akuersaarnissamut apeqqummik sukangannginnerusumik nalilersuineq)
Isumaginninnermut, Ilaqutariinnermut, Suliffeqarnermut Nunamullu Namminermut Naalakkersuisoq
Siumuminngaaniit inatsisissaq pillugu imaattumik oqaaseqassaagut. Siumuminngaaniit pingaartitarivarput
suliffeqarfiit
suulluunnit
suliffigineqartut
innuttaasunik
sillimaniarnikkut
ersarissumik
paasineqarsinnaasunillu atugassaqartitsisussat. Una inatsisissaq 2018-mi kingullermik nutarsarneqarpoq.
Siumuminngaaniit pingaartitarivarputtaaq inatsisit ullutsinnut malinnaatillugit nutarterneqarnissaannik
paasinartumillu atuisunut atortussanngortinneqarnissaat, taamaammat massakkut inatsisip pineqartup
nutarterneqarnissaanik iluarisimaarinnilluta peqataaffigissavarput. Uanimi innuttaasut sulisut tamarmik
isumannaarneqartussaassammata una inatsit sillimatitut nutarterneqartoq inatsisartuni akuerineqassappat.
Qallunaat nunaanni beskæftigelsesministerie tassa suliassaqartitsinermi ministeriaqarfik ukioq 2019-20-21
qallunaat sulinermi ajoqusenermi isumannaarinermut inatsimmik tunngasumik suliaqarput. Tassanilu
aamma nunatsinnut tulluarsarlugu inatsisissaq imaqartussaavoq. Ajutoortut aamma qimataasut inatsimmi
assingini peqalernissaq nunatsinni siunertaavoq.
Uani allannguutissat ilaat naatsumik oqaatigilaassuakka.
Sillimasiisarfiup suliassartik piffissarititaasup iluani naammassinnissinnaassusaa eqqaassagaanni
eqquutinneqarneq ajormat massakkut inatsisissap nutaassap piumasaqaatai naammassinnissinnaassusiat
nukittorsarneqarnissaa
sulissutigineqassavoq
kingunerissavaalu
annerusumik
eqaannerusumik
pisariinnerusumillu ingerlatsisinnaalertoqarnissaa.
Uanilu aamma inatsisissami allannguutit ilagisussaassavaat inuk ajoqusernermini ulloq sulinngiffigisaa
siullermiit nalunaarutigineqarnissaani aallaavinngussasoq.
Aammalu taarsiissutissat ullutsinnut naleqquttunngornissaannik nutarterinissat pisussaalissaaq. Akit
ullutsinnut naleqquttut aallaavigalugit kiisalu naleqqersuutigineqartut qangarnisanngornerisa
allanngortinneqarnissaannik kinguneqassavoq. Kiisalu aningaasat taarsiissutigineqartussat ataasiartumik
tunniunneqarsinnaanngornerat periarfissanngussaaq.
Kiisalu aamma sillimmasiisarfiit suliaminnik ajutuussagaluarpata allat suliaqartartut sillimasiisarfinni
misilittagaqarluartut suliaannik nangitsisinnaanissaat isumannaarneqassavoq uani siunnersuummi.
Kingullertullu pineqarput teknikkut pingaarutillit allanngortinneqarnissaat uani inatsisip massakkut ullutsinni
atuunnerata tulluukkunnaarsimanerisaasa kingunerisaanik pingaartutut allanngortiterneqassapput.
1