30. septembari 2024
UKA2024/17
Uunga siunnersuut: Kalaallit Nunaanni eqqartuussisarnermik inatsisip allanngortinneqarnissaa pillugu
inatsisissatut siunnersuut (akiliisitsisarnermut eqqartuussivik ikiorsiullugu akiligassanik (akiliisitsiniarneq)
(Aningaasaqarnermut Akileraartarnermullu Naalakkersuisoq)
Siumumiik Naalakkersuisut qujaffingerusuppagut eqqartuussisarnermut inatsimmi
allannguutissamut pitsaasumut.
Inatsisip siunertarivaa akiliisitsiniartarnermi piumasaqaatit allannguiffingineratigut,
assersuutingalugu suliffeqarfiit namminersortut ajornannginnerusumik akiliisitsiniarnermik
ingerlatsisinnaalernerannik, taakkualu Kalaallit Nunaanni Eqqartuussivimmi suliarineqartarnissaat
inatsimmi siunnersuutaavoq.
Ullumikkummi suliat tamakkua eqqartuussivimmi sivitsortumik suliarineqartarput. Sullitanut
aammalu eqqartuussivinnut pisarissersuutaasinnaasumik. Uanili eqqaassuarput, akiitsulik aamma
pisinnaatitaaffeqarmat, tassami sapaatit akunneri sisamat qaangiutsinnagit
nalunaarsinnaatitaassaaq akilingassaq akuerinagu.
Siumumiik nuannaarutingaarput suliffeqarfinnut ajornanngillisaaneq, minnerunngittumillu
eqqartuussivimmi allaffissornikillisaaneq inatsisip qularnaassangamiuk.
Siumumiik taamatut oqaaseqarluta siunnersuut taperserparput, Inatsisinullu ataatsimiisitaliamut
ingerlateqqillugu.
Qujanaq.
Kuno Fencker, Siumut
1