01. oktobari 2024
UKA2024/32
Kalaallit Nunaanni pinerluttulerinermi inatsisip aamma Kalaallit Nunaanni
eqqartuussisarnermik inatsisip allanngortinneqarnerat pillugit inatsisip (Malersuineq
akiorniarlugu suliniutit patajaallisaavigineqarnerat, kinaassutsimik atornerluinerup
pinerluutinngortinneqarnera aamma unnerluussuteqarnissamut piffissaliussap
unitsinneqarnera il.il.) pillugu missingiutip Kalaallit Nunaanni Namminersorlutik Oqartussanit
akuersissutigineqarnissaa pillugu Inatsisartut aalajangiiffigisassaattut siunnersuutip aamma
Qanilleqqusinnginneq, najugaqataasinnaannginneq aamma anisitsisarneq pillugit inatsisip
allanngortinneqarnera pillugu inatsisit assigiinngitsut Kalaallit Nunaannut
atuutilersinneqarnissaat pillugu peqqussutissamut missingiut
(Inuussutissarsiornermut, Niuernermut, Aatsitassanut, Inatsisit Atuutsinneqarnerannut
Naligiissitaanermullu Naalakkersuisoq)
Siullermik Siumumiit Naalakkersuisut qujaffingerusuppagut, pinerluttulerinermi aammalu
eqqartuussisarnermi inatsisinik nutarterimmata, eqqumaffigineqarlutillu ullutsinni pinerluutaasartut
nutaatut taaneqarsinnaasut aammalu eqqartuussisarnermi inatsisitigut ulluinnarni
unammillernarsinnaasut eqqumaffingalugit iliuuseqarfigimmatigit.
Siumumiit nuannaartutingaarput Kalaallit Nunaanni Eqqartuussiveqarneq pillugu
Siunnersuisoqatigiit siunnersuutigisimasaat piviusunngortilermasigit. Siumumiik
Siunnersuisoqatigiit kaammattorusuppagut suli sulilluarnissaannik, inatsisillu suli
pitsanngorsaavigiuassallugit Naalakkersuisut, Kunngeqarfimmilu akisussaasut suleqatiginerisigut.
Minnerunngittumillu aamma maani Inatsisartuni oqaaseqaatigisartakkatsinnut
malinnaasarnissaannut, tassami pinerluttulerinermut inatsit sorpassuartigut
pitsanngorsarneqarsinnaavoq, ullutsinnut tulluarsarlugu aammalu pinerluutit assigiinngiiaartut
sukumiinerusumik sinaakkuteqarnissaat aammalu pineqaatissiisarnermi sinaakkutit eqqunnissaanut
suliamut malinnaallutik.
Siunnersuummi qulequttat
Ullumikkut eqqartukkagut inatsisaannaanngillat, Inuimmi pineqarput. Inuit toqqissisimanissaannut
tunngassuteqarput aammalu inatsisit pinerluttumut, pinerluffigitittumullu naapertuuttumik
aaqqissuussaanissaannut qanoq qulakkeerinnissinnaanermut tunngassuteqarput.
Malersuineq (Stalking)
qinngarnaannarani aamma inunnik malersorneqartunut tarnikkut
innarliisinnaavoq. Ulluinnarni kiffaanngissusiiaasinnaavoq, soorlu arlaannukarusukkaluarluni
1