utissarsiornermut, Niuernermut, Aatsitassanut, Inatsisit Atuutsinneqarnerannut
itaanermullu Naalakkersuisoq
Naalakkersuisoq for Erhverv, Handel, Råstoffer, Justitsområdet og Lige:
Inatsisegarnermut ministerimut Peter Hummelgaard-imut
Inatsiseqarnermut ministereqarfiup suliassaqarfiani 2025-imut
Naalakkersuisunit suliassat pingaarnersiorneqarneri
Danmarkimi inatsisinik atuutitsinermut suliassaqarfimmi pitsanngorsaanerit
suliniutillu Kalaallit Nunaanni ukiumoortumik suliassanik pingaarnersiuinerni
ukkanneqartariaqannginnerat siusinnerusukkut oqaatigisarsimagakku,
aallarniutitut innersuussutigerusuppara.
Naalagaaffeqatigiit iluanni naligiittoqarneranik oqaatigisartakkatik qallunaat
naalakkersuisuisa ilumoorukkunikkit, taava naalagaaffiup sinnerani suliniutit
ingerlaavartumik Naalakkersuisunut saqqummiunneqartarnissaat, aamma
ukiumoortumik suliassanik pingaarnersiuinerit utaqqinagit
naammassineqarnissaat pissusissamisoortuussaaq.
Taamaammat ulloq 10. Januar 2025 Københavnimi ataatsimiinnermi
pitsanngorsaatini tamani Kalaallit Nunaata ingerlaavartumik
eqqarsaatigineqartarnissaa, aamma Danmarkimisut Kalaallit Nunaani innuttaasut
inatsisitigut isumannaatsuunerup sullissinerullu assigiissinneqarnissaasa
anguneqarnissaannut Nordatlantkontorimi naammattunik aningaasaliisoqarnissaa
isumalluutinillu immikkoortitsisoqarnissaa, aamma kinguaattoornerup
pilersinneqarsimasup appartinneqarnissaa, aammaarlunga noqqaassutigisimavara.
Naalakkersuisut 2021-mut, 2022-imut, 2023-imut aamma 2024-imut suliassanut
pingaarnersiorsineqartussatut noqqaassutigisimasaattut immikkoortunut killiffiit
pillugit, Inatsiseqarnermut ministereqarfiup ulloq 15. oktober 2024 allagaq
nassiussimavaa, aamma rnaak Naalakkersuisut 2024-imi taamaallaat
pingaarnersiugassatut kissaatigisanik ikittuinnarnik saqqummiussisimagaluartut,
suli suliniutinik arlalinnik suliluunniit aallartinneqarsimanngitsunik peqarpoq.
Naalakkersuisut siusinnerusukkut pingaarnersiorneqartussatut
kissaatigisimasaannik immikkoortunik, aamma suli naammassineqanngitsunik
suliaqarnerup tamatuma peqatigisaanik tuavisaarutigineqarnissaa
naatsorsuutigineqarpoq.
Akerleriinnik isumaqatigiissitsiniartarnermut siunnersuisoqatigit pillugit
nalunaarummik, paasissutissat illersugaanerat pillugu peqqussut malillugu
Kalaallit Nunaata nunatut pingajuusutut akuersissutigineqarnera, atuisut
suliffeqarfiillu akomanni digitaliusumik isumaqatigiissusiorsinnaanerup
akuerineqarnissaa siunertaralugu atuisut illersorneqarnissaannut inatsisit
nutarterneqarnerat aamma Kalaallit Nunaata Istanbulimi isumaqatigiissummut
ilanngunnissaata akuersissutigineqarnissaa, Inatsisartut 2022-imi majimi
i
Ulloq: 23-01-2025
Suliap normua: 2023 - 4040
Postboks 930
3900 Nuuk
Oqarasuaat (+299) 34 68 00
E-maili: [email protected]
www.naalakkersuisut.gl
Grønlandsudvalget 2024-25
GRU Alm.del - Bilag 54
Offentligt