UKA2023/36
8. novembari 2023
Mikivsuk Thomassen
Kalaallit Nunaata eqqaani imartani aningaasaqarnikkut immikkut
oqartussaaffigisani avatangiisit illersorneqarnissaat pillugu inatsisip
allanngortinneqarneranik inatsisissatut siunnersuummik
Namminersornerullutik Oqartussat ilaliinissaat pillugu Inatsisartut
aalajangiiffigisassaattut siunnersuut.
(Nunalerinermut, Imminut Pilersornermut, Nukissiutinut Avatangiisinullu
Naalakkersuisoq)
Siullermik Nunalerinermut, Imminut Pilersornermut, Nukissiutinut
Avatangiisinnullu Naalakkersuisumut qujavugut siunnersuuteqarneranut.
Kalaallit nunaata eqqaani imartami siunissami suli mingutsitsiffiunnginnerusup
aammalu piujuaannartitsilluni avatangiiseqalernissarput qulakkeerpaa,
tamannalu nunarsuarmi piusariaqariaqarneranik. Nalunngilarput inuit umiarsuit
aqqutigalugit qanoq mingutsitsigisut, taamaattummik piffissamik
eqquilluarneruvoq siunnersuutip matuma atuutsinneqalernissaa, tassami
sermersuarput taamatullu silap pissusaa sunnerneqartussaammata.
siunnersuutip uumap silaannaq eqqiluinnerusoq aqqutissiuuttussaavaa.
Avatangiisinut kisimi iluaqutaassanngilaq, tassami inuit peqqissusaannut
aamma sunniuteqartussaammat. matuma nunap immikkoortuatut
nangaassutip atorunnaarsinneqarneratigut nunatta Nunarsuup sinnerani
ilisimaneqaatigalugu isigineqarnera, nunattali kisimiilluni tamanna
qulakkeersinnaannginnagu allanngortinneqarsimanngitsutut, eqqiluitsutut
isigineqarnera aalajangiusimassavarput taamaattoq saaffiginninnikkut
1