§71, Alm.del - 2023-24 - Bilag 79: § 71-tilsynets endelige tilsynsrapport for anmeldt tilsynsbesøg den 9/9-2023 på Nuuk Outdoor i Kapisillit, Grønland (tilsynsbesøg nr. 9)

Tilsynet i henhold til grundlovens § 71 2023-24
§71 Alm.del Bilag 79
Offentligt

Kapisilinni Nuuk Outdoor-imut siumut nalunaaqqaarluni

nakkutilliilluni alakkaaneq pillugu nalunaarusiaq

(Nakkutilliilluni alakkaaneq 9)

1. Aallaqqaasiut

Arfininngornermi 9. september 2023 § 71 naapertorlugu nakku-

tilliiartortut siumut nalunaarutigeriikkaminnik Kapisilinni Nuuk

Outdoor-imut nakkutilliiartorlutik alakkaapput.

§ 71 naapertorlugu nakkutilliiartoqataapput nakkutilliisunut

siulittaasup tullia Camilla Fabricius (S), Mike Fonseca (M),

Theresa Berg Andersen (SF) aamma Alexander Ryle (LA).

Taakku saniatigut peqataapput ataatsimiititaliap pisortaa Lis

Grønnegaard Rasmussen, ataatsimiititaliap allattaa Charlotte

Avnsted-Vilman, ataatsimiititaliami assisstenti Gitte Ravn Jensen

aamma oqalutsi.

Aallaqqaasiutigalugu nakkutilliisut Nuuk Outdoor-imi sulisunik

ataatsimeeqateqarput. Nuuk Outdoor-imiit peqataapput Erik

Larsen Grøndahl Rasmussen, Hilda Larsen, Marco Sikemsen,

Susan Hansen, Aviaja Lynge Petersen, imm. pisortaq aamma

siunnersorteqarput Sarah Petersen.

Meeqqat arlallit najuupput. Inissiisarfimmi ulluinnaat qanoq

ingerlasarneri unammilligassallu suuneri pillu-git sulisut

oqaluttuarput.

Meeqqat inuusuttuaqqallu Kapisilinnut inissinneqarsimapput,

inissiffissaannik tulluartumik utaqqinermi. Meeqqat inuusuttuaq-

qallu unammilligassaat nalinginnaanerpaamik tassaapput, ukiuni

arlalinni inissiisarfinni nikittaattuni najugaqarsimanerat aamma

peroriartornerminni sumiginnangaasimaneq.

Inuusuttuaqqat arlallit tarnikkut arlaatigut nappaateqarput, aam-

malu katsorsarneqarnissamik pisariaqartitsisuusarlutik, soorlu

aamma arlallit pinerlunniartalersimasuullutik. Inuusuttuaqqat ilaat

aamma aanngajaarniutinik atornerluisutut ajornartorsiuteqarput.

Toqqammaviusumik meeqqat inuusuttuaqqallu kangerlummut

inissinneqartussaapput, Kapisilinnut imaluunniit avatangiisit ni-

kisinniarlugit Ameralimmut/Tertii-mut. Taamaattoq ima piso-

qarsinnaasarpoq, meeqqat inuusuttuaqqallu Nuummiittarlutik pif-

fissami aalajangersimasunngitsumi tarnikkut katsorsarneqarnis-

samut imaluunniit kommunimit isumagineqartussatut ingerlariaq-

qinnissaminnut paasisaqarnissartik utaqqitillugu, aammalu Nuum-

miinnissaat pisariaqarpat piumasarineqarpalluunniit.

19. juni 2024

§ 71-tilsynet

Charlotte Avnsted-

Vilman

Udvalgssekretær

charlotte.avnsted-

[email protected]

Tlf. 33373648

Folketinget

Christiansborg

1240 København K

3337 5500

[email protected]

www.ft.dk

Side 1 | 7

§71, Alm.del - 2023-24 - Bilag 79: § 71-tilsynets endelige tilsynsrapport for anmeldt tilsynsbesøg den 9/9-2023 på Nuuk Outdoor i Kapisillit, Grønland (tilsynsbesøg nr. 9)

Sulisut oqaluttuarput, meeqqanit inuusuttunillu najugaqartunit 18-

iusunit arfineq marluk psykiatri-mi misissuiffigineqarnikuusut.

2. Nakkutilliisut oqaaseqaataat

Nakkutilliisut sakkortuumik aarlerinartoqartippaat Nuuk

Outdoorip meeqqanut inuusuttunullu inissiisarfittut

akuerisaannginnera, paasilluguli tamanna eqqumaffigineqartoq,

aaqqiissuteqarnissamullu suliniuteqartoqartoq.

Nakkutilliisut nalilerpaat meeqqat inuusuttullu Nuuk Outdoorip

neqeroorutaani inissisimasut arlallit ajormata, arlallillu oqaatigaat

nuannarinagu ilaquttaminnit taamak ungasitsigisumiinnertik,

aammalu Kapisilinni avinngarusimasumiittutut misigalutik.

Tassunga atatillugu nakkutilliisut aarlerinartoqartippaat sulisut

arlallit ilinniarsimasuunngimmata inuusullutillu, tamanna

meeqqanut inuusuttuaqqanullu unammillernartumi

inissisimasunut naleqqutinngilaq.

Nakkutilliisut aamma immikkut ittumik aarlerinartoqartippaat

sulisut aammalu meeqqat inuusuttuaqqallu inissiisarfimmiittut

paasissutissiimmata pisunik ilungersunartunik arlalinnik

pisoqartarsimanera. Tillinniarnerit, qimaanerit, gasimik

naamaarnerit pisut ilaminiinnannguaraat.

Taakku saniatigut sulisut inuusuttuaqqallu imminut

toqoriaraluartarneq, imminut toqunnissamut eqqarsaateqarneq,

saassussisarnerillu pillugit oqaluttuarput.

Nakkutilliisullu kaammattuutigerusuppaat aaqqiissutissanik

nassaartoqarnissaa meeqqanut Nuuk Outdoorip ataani

inissinneqarnikunut sinaakkutinik toqqissisimanartunik

pilersitsinissamut qulakkeerinnittussanik.

Nakkutilliisut aarlerinartoqartippaattaaq meeqqat ilaasa

sivisuumik Kapisilinniissimaneri, naak Nuuk Outdoorip ataani

inissiigallarneq aqqiissutaagallartutut sivikitsutut

naatsorsuutaagaluartoq.

Nakkutilliisut sakkortuumik aarlerinartoqartippaat meeqqat

inuusuttuaqqallu illuaqqani inissiisarfittut atorneqarnissanut

piukkunnanngitsuniisinneqarmata. Ipertoorujussuupput

inissakillutillu. Nakkutilliisuttaaq maluginiarpaat niviarsiaqqat

eqqiluisaarnissamut pigisaminnut immikkut

skaaveqartinneqannginnerat.

Naggataagut nakkutilliisut aarlerinartoqartippaat ataavartumik

ingerlanneqartussamik meeqqanut inuusuttuaqqanullu piffimmi

inissinneqarsimasuni atuartitsinermik

neqerooruteqartoqannginnera.

Side 2 | 7

§71, Alm.del - 2023-24 - Bilag 79: § 71-tilsynets endelige tilsynsrapport for anmeldt tilsynsbesøg den 9/9-2023 på Nuuk Outdoor i Kapisillit, Grønland (tilsynsbesøg nr. 9)

Nakkutilliisut ajunngitsutut nalilerpaat sulisut meeqqanik

inuusuttuaqqanillu sullisinissaminnut tunniusimarpasimmata.

Ajunngitsuuvoq sulisut ukkatarimmassuk meeqqat peqatigalugit

sammisaqaqatigiinnissaq, tassunga ilaallutik umiartortarnerit

piniariartarnerillu.

Nakkutilliisut aammattaaq ajunngitsutut nalilerpaat,

nakkutilliilluni pulaarnerup kingorna illup iluani malittarisassanik

eqqarsaasersortoqarsimammat, aammalu sulisut, meeqqat

inuusuttuaqqallu inissinneqarnikut peqatigalugit illup iluani

maleruagassat pillugit isumasioqatigiissimammata.

3. Kapisilinni Nuuk Outdoor pillugu naatsumik

Nuuk Outdoor Kommuneqarfik Sermersuup ataani suliniutaavoq,

suliniut misiligarneqarluni, immikkut suliniarnikkut inuusuttuaq-

qat iluaalliuuteqartut ikiorniarlugit. Suliniutip ilaatut inuusuttuaq-

qat piffissami sivikinnerusumi sivisunerusumiluunniit, sulinium-

mi sulisut inersimasut Kapisilinniittut ilagalugit inissinneqartar-

put, inuusuttuaqqat illoqarfimmiit qimagutsillugit aqqutissaannillu

eqqortumut ikiorlugit. Suliniut taanna Nuuk Outdoor ApS-imut

isumagisassanngortinneqarsimavoq, iliuuserisarlu tunngaveqar-

poq ulloq unnuarlu angerlarsimaffittut, akuerineqarsimanngitsu-

tut.

28. august 2023 Nuuk Outdoor-imut meeqqat inuusuttuaqqallu

najugaqarput, sumiiffinni allani aamma ingerlataqarlutik.

Meeqqat inuusuttuaqqallu ilaat pingasut Kommuneqarfik Ser-

mersuup avataani kommuninit allaneersuupput.

Nakkutilliiartorluni alakkaanerup nalaani Kapisilinni meeqqat

inuusuttuaqqallu 18-iupput.

Meeqqat inuusuttuaqqallu inissinneqarsimasut alakkaanerup

nalaani angajoqqaatut oqartussaassuseqartumik akuersissu-

titaqanngitsumik inissinneqarsimasunik ilaqanngillat imaluunniit

inuusuttuaraq 15-it qulaallugit ukiulik.

Meeqqat inuusuttuaqqallu inissinneqarsimasut 13-18 akornanni

ukioqarput.

Nuuk Outdoor-imi aqutsisut sulisullu ilinniarsimanerup tungaa-

tigut tunuliaqutaat atituujuvoq. Inunnik isumaginninnermut siun-

nersorteqarput, isumaginninnermi perorsaasoqarput, psyko-

terapeut-eqarlutik aamma traumeterapeut-eqarlutik (avataaniit),

igaffimmi assistenti, aamma catering-og kantineassistent, arktisk-

Side 3 | 7

§71, Alm.del - 2023-24 - Bilag 79: § 71-tilsynets endelige tilsynsrapport for anmeldt tilsynsbesøg den 9/9-2023 på Nuuk Outdoor i Kapisillit, Grønland (tilsynsbesøg nr. 9)

og adventureguide, sarfalerisoq, it-konsulent, asilerisoq, ilinniar-

titsisoq, ilinniartitsisunngorniaq aamma ilinniartunut siunnersorti.

4. Nakkutilliisut alakkarterinerat

Nuuk Outdoor illuni arlalinni najugaqarfiuteqarpoq Kapisilinni,

tamarmillu kangerlummut isikkivigissumiipput.

Nakkutilliisut illumi tungujortumi aallartipput. Illu pisoqaavoq,

nungullarsimaqalunilu. Illumi qitiuvoq ini ataatsimoorfiusartoq

igaffittalik, neriffissalik aamma sofagruppe-lik.

Inuusuttuaqqat nakkutilliisut oqaloqatigerusuppaat ineeqqatillu

takutissorlugit. Sulisut ilaat oqaloqatigiinnerup nalaani najuupput

inuusuttuaqqat toqqissisimanissaat pillugu.

Nakkutilliisut malunginiarpaat ineeqqat arlallit ilui takuneqarsin-

naasumik inuusuttuaqqanit aserorteriffigineqartarsimasut, aamma-

lu kisimiinnissamut periarfissaqanngitsoq. Nakkutilliisut malungi-

niarpaattaaq, ineeqqat arlallit inigineqarnissaminnut tulluanngi-

vissut, assersuutigalugu ineeqqat ilaanni igalaaqanngimmalluun-

niit. Ineeqqat ilaanni igalaaq qisummik asserneqarsimavoq, inee-

rarlu assigiinngitsunit sueqaaq noqqoruuffiulluni.

Inuusuttuaqqat ilaat namminerisaminnik ineeraqarput, aammali

inuusuttuaqqat marluk ineeqqami marluupput. Uffarfik perusuer-

sartarfillu katutarivaat, ipertoqaarlu.

Inuusuttuaqqat arlaannaataluunniit, nakkutilliisunit oqaloqatigine-

qartut, Kapisilinniinnertik nuannarinngivippaat. Nuummi ulluin-

naat maqaasivaat, ilaquttatik ikinngutitillu. Mattussaaqqasutut

misigineq inuusuttuaqqanut nikallunganarpoq, oqaluttuarpullu,

periarfissaqarunik qimaarusullutik.

Inuusuttuaqqat ilaata oqaluttuaraa, arlaleriarluni imminut toqoriar-

tarsimalluni, inuunissani kissaatigiunnaaramiuk. Taamaattumik

sulisunit taanna nakkutigeqqissaarneqarpoq. Aamma oqaluttuar-

poq inuusuttuaqqat ilaat tamaani najugaqarsimasoq unatarsimal-

lugu, pissutigalugu kamannarigamiuk. Inuusuttuaraq taanna

maanna allamut inissinneqarsimavoq.

Inuusuttuaqqat aamma oqaluttuarivaat, periarfissaqarlutik oori-

siulaarnissaminnut. Assersuutigalugu ilaat Kapisilinni pisiniar-

fimmi sulisarpoq. Aamma savanik paarsisutut akissarsisinnaap-

Side 4 | 7

§71, Alm.del - 2023-24 - Bilag 79: § 71-tilsynets endelige tilsynsrapport for anmeldt tilsynsbesøg den 9/9-2023 på Nuuk Outdoor i Kapisillit, Grønland (tilsynsbesøg nr. 9)

put. Inuusuttuaqqat oqaluttuarput kaasarfimmiutik tupamut,

mamakujunnut sodavand-inullu atortaritsik.

Ilaannikkut inuusuttuaqqat pisuttuartarput

–

ilaanni kisimik ima-

luunniit sulisunik ilaqarlutik. Malittarisassaavorli tamatigut nak-

kutigineqarsinnaanissaat.

Ataatsimut isigalugu Kapisilinni sammisarineqarsinnaasut killi-

lerujussuupput, inuusuttuaqqallu oqaluttuarput, inuusuttuaqqatut

inuuneq nalinginnaalluinnartoq maqaasigitsik.

Aamma illu mikisoq atorneqarpoq, tassani inuusuttuaqqat sisa-

mat najugaqatigiipput. Quleriinni allermiippoq igaffik nerisar-

fiutigisoq aamma ini isersimaartarfik. Sulisut oqarput, nammin-

neq inimi sinittarlutik. Qaliani ini ataasiuvoq sisamanik siniffilik.

Illu mikeqaaq nungullarsimaqalunilu.

Ini kingulleq nakkutilliisunit takuneqanngilaq, oqaatigineqarporli

tassani init marluusut inersimasunut marlunnut meeqqanullu

marlunnit inissaqarluni.

5. Tamalaat

Sulisut oqaluttuarput, sulissutigigitsik meeqqat inuusuttuaqqallu

tamaani atuartinneqartalernissaat.

Najugaqarfimmi sulisut inersimasut tamatigut arfiniliupput, ullut

14-ikkaarlugit taarserneqartarlutik.

Sulisut meeqqanik inuusuttuaqqanillu imaani angalaqatiginnik-

kusuttorujussuupput. Umiatsiaaraqarput. Aamma qajariaqarput

paddleboards-eqarlutillu.

Aalisarsinnaapput, nuniassinnaapput aamma umimmanniarsin-

naallutilluunniit tuttunniarsinnaapput sulisunik ilaqarlutik.

Nakkutilliisut alakkaanissaat sioqqullugu nakkutilliisut apeqquti-

givaat tamaani pinerlunniarnerup tungaatigut qanoq pinaveersaar-

titsisarnerlutik. Nuuk Outdoor-imiit akissutigineqarpoq, pinerlun-

niarnerup tungaatigut pinaveersaartitsinermik ineriikkamik peqa-

ratik imaluunniit malitassaqaratik.

Inuusuttuaraq arlaatigut inatsisinik unioqqutitsisimappat, inuusut-

tuaqqamik sullissisoq siunersioqatigalugu pilersaarusiortoqartar-

poq, aamma Nuuk Outdoor ApS-imit ilaatigut atorneqartarpoq,

avatangiisinik nikisitsineq, tassa meeraq/inuusuttuaraq najuga-

qarfimmiit avissaaqqatinneqarsinnaalluni.

Side 5 | 7

§71, Alm.del - 2023-24 - Bilag 79: § 71-tilsynets endelige tilsynsrapport for anmeldt tilsynsbesøg den 9/9-2023 på Nuuk Outdoor i Kapisillit, Grønland (tilsynsbesøg nr. 9)

Alakkaanissaq sioqqullugu nakkutilliisut apeqqutigisimavaat,

najugaqarfimmi ukiumi qaangiuttumi pissaanermik atuinerit qas-

siusimanersut. Tamatumunnga Nuuk Outdoor-imit oqaatigineqar-

poq pissaanermik atuinerit pingasuusimasut aamma pisimasut

ilungersunartut qulit nalaanneqarsimasut. Sulisut oqaluttuarput

inuusuttuaqqat arlallit imminut toqunnissaminnut aarlerinartor-

siorfiusimasut.

Pisimasut ilagisimavaat, meeqqap ulluni 14-ini piffissap sun-

giussiniarfiusup ingerlanerani inissiisarfimmit qimaatsaaliorne-

qarsimanera. Pisimasumi allami tassanngaannartumik aalajan-

gerlugu pisoqartariaqarsiavoq pineqartorlu allamukaallugu.

Sulisut oqaluttuarput timi atorlugu pissaanermik atuineq taa-

maallaat pisartoq, meeraq inuusuttuararluunniit imminut alla-

nulluunniit ulorianartorsiortitsileraagat.

Pissaanermik atuisoqarsimatillugu, sulisut kaammattorneqar-

tarput meeqqamik inuusuttuaqqamilluunniit pisup kingornatigut

oqaloqateqaqqullugit, malittarisassallu qissimigaarlugit pisima-

soq nalunaarsussagitsik nalunaarusiorlutillu.

Sulisut aamma app-eqarput, tassuunalu sulisunut quppersagaq ta-

kusinnaavaat. Tassaniipput sulisut oqaatsinik atuinissaannut ma-

llittarisassat aamma meeqqanut inuusuttuaqqanullu qanoq oqalo-

riaaseqarnissaannut, soorlu aamma sulisunut naatsorsuutiginnin-

nerit arlallit allattorneqarsimasut.

Illup iluani ileqqorissaarnissamut malittarisassat najugaqarfimmi

pigineqanngillat. Sulisut app-ertik atorlugu takusinnaavaat. Atta-

veqaataavoq GDPR/Persondata pillugu inatsimmik malinnittoq,

aammalu taanna atorlugu ingerlaavartumik meeqqanik inuusut-

tuaqqanillu nutaanik ilisarititsinermut atorneqartartoq. Malittari-

sassaqarporli suut tamapajaavinut, soorlu illup iluaniinnermi

aamma illup silataaniinnermi, innarfissat, neriffissat, pisussaaffiit,

pujortarneq, kaasarfimmiut, mobilimik internet-imillu atuineq,

tamakkulu meeqqanit ilisimaneqartussaapput.

Sapaatip akunneranut ataasiarluni sapaatikkut sulisut nerisassa-

nut pilersaarusiortarput aamma sammisaqarnissamut pilersaaru-

siortarlutik meeqqat inuusuttuaqqallu inissinneqarsimasut peqa-

tigalugit.

Angajoqqaat akulerutsinneqartarput, tamanna kommunimit qinnu-

tigineqarsimatillugu, assersuutigalugu peqatiginninnissaat pillugit.

Tamatuma saniatigut angajoqqaat meeqqat pillugit paasissutissa-

nik tunniussisarput (ilisimasanik avitseqatigiinneq, inuunerata

Side 6 | 7

§71, Alm.del - 2023-24 - Bilag 79: § 71-tilsynets endelige tilsynsrapport for anmeldt tilsynsbesøg den 9/9-2023 på Nuuk Outdoor i Kapisillit, Grønland (tilsynsbesøg nr. 9)

oqaluttuassartaa). Nuuk Outdoor ApS-ip ilaquttat kaammattor-

tarpai meeqqap suliamut atatillugu sullissisuanut saaffiginnittaq-

qullugit, tassanngaaniit najugaqarfimmut kalerriutigineqassamma-

ta pisariaqartitsineq tunngavigalugu. Assersuutigalugu peqatigiin-

nissaq kissaatigineqarsimappat, tikeraarluni angalanissamut tun-

ngatillugu il.il.

[Dette er en oversættelse. I tvivlsspørgsmål henviser vi til den danske original].

Nutsigaavoq. Nalorniguit qallunaatuua takuuk.

Side 7 | 7