§71, Alm.del - 2023-24 - Bilag 57: § 71-tilsynets endelige tilsynsrapport for anmeldt tilsynsbesøg den 8/9-2023 på døgninstitutionen Angerlarsimaffik Ivaneq i Nuuk, Grønland (tilsynsbesøg nr. 7)

Tilsynet i henhold til grundlovens § 71 2023-24
§71 Alm.del Bilag 57
Offentligt

Nuummi ulloq unnuarlu angerlarsimaffimmut Ivaneq-mut

siumut nalunaaqqaarluni nakkutilliilluni alakkaaneq pillugu

nalunaarusiaq (Nakkutilliilluni alakkaaneq 7)

1. Aallaqqaasiut

Tallimanngornermi 8. september 2023 § 71 naapertorlugu nakku-

tilliiartortut siumut nalunaarutigeriikkaminnik Nuummi ulloq un-

nuarlu angerlarsimaffimmut, Angerlarsimaffik Ivaneq-mut nakku-

tilliiartorlutik alakkaapput.

§ 71 naapertorlugu nakkutilliiartoqataapput nakkutilliisunut

siulittaasup tullia Camilla Fabricius (S), Theresa Berg Andersen

(SF), Alexander Ryle (LA) aamma Mike Fonseca (UFG).

Taakku saniatigut peqataapput ataatsimiititaliap pisortaa Lis

Grønnegaard Rasmussen, ataatsimiititaliap allattaa Charlotte

Avnsted-Vilman, ataatsimiititaliami assisstenti Gitte Ravn Jensen

aamma oqalutsi.

Aallaqqaasiutigalugu nakkutilliisut ataatsimeeqatigivaat angerlar-

simaffimmi pisortat sulisullu. Ivaneq-miit peqataapput ilaatigut

pisortaq Beate Platou, tullersortiugallartoq Mon Villadsen aamma

isumaginninnermi siunnersorti Jakobine Olsen Dahl.

Sulisut angerlarsimaffimmi ulluinnarni ingerlariaaseq oqaluttua-

raat aamma meeqqata inuusuttuaqqallu angerlarsimaffimmut inis-

sinneqarsimasut oqaluttuaralugit. Sulisut aamma oqaluttuaraat

ulluinnarni meeqqanik inuusuttuaqqanillu sullissiniarnerminni

sunik unammilligassaqartarnerlutik.

Ivaneq Nuup qiterpasissuani inissisimavoq.

2. Nakkutilliisut oqaaseqaataat

Nakkutilliisut aarlerinartoqartippaat Ivaneq-mut

inissinneqarnikuusut meeqqat angajoqqaavi Kalaallit Nunaata

avataani najugaqarpata, assersuutigalgu Danmarkimi, taava

takusinnaasanngilaat, tamannalu attaveqaqatigiiginnarnissamut

ajornakusoortitsisuuvoq. Nakkutilliisut kaammattuutigerusuppaat

tamatumuunakkut aaqqiissummik ujaasisoqassasoq.

Nakkutilliisut aammattaaq aarlerinartoqartippaat meeqqat

inuusuttullu angerlarsimaffiup avataanut inissinneqartarsimappata

angajoqqaat angerlarsimaffeerunnerat kisiat pissutigalugu,

6. maj 2024

§ 71-tilsynet

Charlotte Avnsted-

Vilman

Udvalgssekretær

charlotte.avnsted-

[email protected]

Tlf. 33373648

Folketinget

Christiansborg

1240 København K

3337 5500

[email protected]

www.ft.dk

Side 1 | 8

§71, Alm.del - 2023-24 - Bilag 57: § 71-tilsynets endelige tilsynsrapport for anmeldt tilsynsbesøg den 8/9-2023 på døgninstitutionen Angerlarsimaffik Ivaneq i Nuuk, Grønland (tilsynsbesøg nr. 7)

nakkutilliisulli akuersaarsinnaavaat aamma allanik

peqquteqarlutik angerlarsimaffiup avataanut

inissinneqartarsimappata.

Nakkutilliisut aarlerinaateqartippaat Psykiatriimi meeqqat

inuusuttullu misissorneqarnissaat sivisuumik utaqqinartarmat.

Misissuisarnerup siunertarivaa paasiniassallugu meeraq arlaannik

nappaateqarnersoq ajoquteqarnersorluunniit,

taamaattoqassappallu nakorsartinneq sorleq eqqortuussanersoq

aalajangerneqarsinnaalluni. Aamma meeqqamut perorsaanerup

iluani iliuusissatut aalajangiisuuvoq tamanna,

Nakkutilliisut ajunngilluinnartutut nalilerpaat Ivaneq-mi sulisut

aaqqiagiinnginnermi periusissanik ilinniartiinneqartarmata

aaqqiagiinnginnermi iliuuserisassanut ilitsersuisartumit,

Isumaginninnermi aqutsisoqarfimmi suleqateqarnikkut

piviusunngortinneqartumik.

Nakkutilliisut aammattaaq ajunngitsutut nalilerpaat Ivaneq-mi

sulisut salliuttarmassuk angajoqqaanik suleqateqarluarnissaq.

Qitiulluinnarpoq angajoqqaat meeqqat ulluinnaannut

malinnaatinneqartarnissaat, taamaalilluni meeqqamut

angerlarsimaffimmi avataanut inissinneqartumut eqqissinartarmat

angajoqqaat inissiigallarneq akuersaaraangassuk

tapersersorlugulu.

Naggataagut nakkutilliisut ajunngilluinnartumik nalilerpaat

Ivaneq-mi sulisut pinerlunniakujuttarnerit pinaveersaartinnissaat

ukkatarimmassuk, tassanilu angajoqqaat kommune atuarfillu

suleqatigineqarlutik.

3. Angerlarsimaffik Ivaneq pillugu naatsumik

Ivaneq ulloq unnuarlu isumaginninnikkut perorsaanermik

meeqqanut nalinginnaasunut angerlarsimaffiusoq. Sullinniakkat

ilisarnaatigaat peroriartornikkut aaqqissuussaanerup tungaatigut

amingartumik atugassaqartitaasimaneq sumiginnangaanerlu,

inooqatigiinnermi, misigissutsikkut ilikkagaqarniarnermilu a-

jornartorsiuteqarneq, attaveqarniarnerup tungaatigut ajornartor-

siuteqarneq, appasissumik imminut naleqartinneq, appasissumik

imminut tatigineq, ajortumik imminut isigineq. Meeqqat inuusut-

tuaqqallu tungiuiffigineqarnissartik atorfissaqartippaat, inissaqar-

titaaneq, aaqqissuussaaneq aammalu patajaatsumik inersimasunut

attaveqarneq.

Sullitassanut tamanut atuuppoq, meeqqat inuusuttuaqqallu pisaria-

qartitsineq isumaginninnikkut perorsaanerup tungaatigut suliniar-

Side 2 | 8

figineqarnissaq, angerlarsimaffimmi angerlarsimaffimmiluunniit

paarsisartuni pineqarsinnaanngitsumik.

Angerlarsimaffik Ivaneq 34-inut inissaqarpoq, ukioqatigiiaat aal-

laavigalugit arfinilinnik immikkoortortaqarluni. Meeqqat inuusut-

tuaqqallu 0-17 akornanni ukiullit matumani pineqarput.

Meeraaqqanut inissat 0-6 akornanni ukiulinnut naatsorsuussaap-

put. Imaakkajuppoq meeraaqqat sumiginnagaasimasut

aamma/imaluunniit inuunerminni kingunerluuteqarfiusinnaasu-

nik nalaataqarsimasut. Aamma naalungiarsuit inoorlaat inissinne-

qarsinnaasarput, angajoqqaat pisariaqartumik angajoqqaatut pi-

ginnaaneqanngitsillugit.

Angerlarsimaffik Ivaneq-mi aamma meeqqanik mikisunik nap-

parsimasunik peqarpoq.

Angerlarsimaffik Ivaneq Namminersorlutik Oqartussanit pigine-

qarpoq Isumaginninnermut Aqutsisoqarfiup ataaniilluni. Ningiuu-

voq Beate Platou.

Nakkutilliilluni alakkaanissaq sioqqullugu Ivaneq-mit ilisimatit-

sissutigineqarpoq Angerlarsimaffik Ivaneq-mi

inissinneqarsimasut meeqqat 36-iusut. Meeraq ataaseq Danmarki-

mi efterskolerpoq. Meeqqat 25-it akuersissutitalimmik inissinne-

qarsimapput. Meeqat 11-it akuersissutitaqanngitsumik inissinne-

qarsimapput (imaluunniit tamanna pillugu uppernarsaat amingaa-

taavoq).

Ivaneq-mi siunertaavoq neqeroorutigissallugu toqqissisimanartu-

mik, angerlarsimaffippalaartumik aaqqissuussaasumillu tungiui-

nermi avatangiisit patajaatsunik inissaqartitsisunillu inersimasor-

taqarfiusoq, meeqqat inuunerissaarnissaannik, ineriartornissaan-

nik ilikkagaqarnissaannillu akisussaaffimmik tigusisinnaasut.

Meeqqat malungissavaat, takuneqarlutik tusaaneqarlutillu, inoo-

qatigiinnullu ataatsimoortunut akuutinneqarlutik. Tamatuma sa-

niatigut siunertaavoq pingaarutilik, meeqqat ilikkassagaat atas-

suteqarnerni ataatsimoorfinnilu assigiinngitsuniinnerminni su-

miissusersiornissaq, soorlu angerlarsimaffimmiinnermi, atuar-

nermi, sunngiffimmi kammalaatillu akornanni. Ivanermi pingaar-

tinneqarpoq meeqqap angajoqqaaminut attaveqaatiminullu allanut

qanitaminut attaveqarnissaa peqateqartarnissaalu.

Tamatuma saniatigut anguniagaavoq, ulluinnarni suliassanik

unammilligassanillu meeqqat isumaginnissinnaalernissaat, anger-

larsimaffimmiit anigunik inuunerminni nammineerlutik akisus-

saaffeqarlutillu ingerlaqqinnissaminnut atukkersorsimasariaqar-

mata.

Side 3 | 8

Ivanermi isumaginninnikkut perorsaaneq akuerinninneq attave-

qarnermi atassuteqarnermilu perorsaariaaseq atorneqarpoq. Naa-

pitsinermi inunnillu allanik peqateqarnermi meeqqap imminut

paasinninnini, imminut naleqartinnini imminullu tatiginini ine-

riartortittussaavai, soorlu aamma inunnik allanik peqateqarner-

mini inunnut allanut tunniussinissi akuerineqarnermillu tunine-

qarnissi ilinniartarai. Patajaatsumik, akuutitsinermik akuerine-

qarnermillu tunngavilimmik inersimasumut attaveqarneq toqqam-

maviuvoq, meeqqap inuunerissaarnissaanut piginnaanerminillu

atuisinnaanissaanut. Pingaarnertut perorsaasoq perorsaasorlu alla

qitiusumik inissisimallutik meeqqamut toqqissisimanartumik isu-

mannaatsumik inersimasutut attaveqaatitut inissisimasuusarput.

Suliniuteqarnermi suleqatigiinnermilu Ivanermi qitiutinneqar-

puttaaq akuerinninneq, torersuuneq, akisussaassuseqarneq aamma

suliamut ilisimasaqarneq.

Ivanerup pinngortitaq atukulavaa, isumaginninnikkut perorsaaner-

mi suliniutinut sinaakkutitut, soorlu imaani angalaarnikkut illuaq-

qamukarnikkullu.

Ivanermi sulisut perorsaasuupput, inunnik isumaginninnermi

ikiortaallutik, ataaseq peqqinnissamut ikiorti, ataaseq ilinniartit-

sisoq, isumaginninnermi siunnersorti ataaseq, sanasoq ataaseq

ataaserlu allaffimmiutut ilinniarsimasoq. Immikkoortortanili ta-

mani perorsaasut amingaatigineqarput.

4. Nakkutilliisut alakkarterinerat

Angerlarsimaffimmi Nuup qiterpasissuani inissisimasumi nakku-

tilliisut alakkarterisinneqarput. Immikkoortortat tamarmik alia-

naapput angerlarsimaffippalaarlutillu. Nakkutilliisut malunginiar-

paat nerisassarsunni, igaffimmi piareersarneqartuneersoq.

Nakkutilliisut pulaarneranni meeqqat inuusuttullu 34-t Ivanermi

najugaqartuupput.

Ivaneq arfinilinnik immikkoortortanut agguarsimavoq. Immik-

koortortaq Iiminamiipput meeqqat 0-6 akornanni ukiullit. Kim-

mernamiipput meeqqat sisamat, taakkunannga meeraq ataaseq

nappaateqartutut nalilerneqarsimasoq. Taamaattumik pisaria-

qarpoq meeqqap taassuma eqimattami mikisumiitinnissaa.

Kakillarnaniipput meeqqat sisamat. Meeqqat Kakillarnaniittut

misikkarissuusinnaapput tamannalu pissutigalugu eqimattami

mikisumi najugaqassallutik pisariaqartillugu.

Side 4 | 8

Qajaasaniipput meeqqat arfinillit 3-15 akornanni ukiullit. Meeq-

qat arfinillit tamarmik qatanngutigiiupput, taamaattumik immik-

koortortami ataatsimoorlutik najugaqarput. Tupaarnaniipput

meeqqat sisamat, taakkunannga ataaseq misikkarissorujussuaq.

Umiami najugaqarput meeqqat arfineq pingasut, taakkunannga

qatanngutigiit marluk aamma qatanngutigiit pingasut najugaqar-

put meeqqat inuusuttuaqqallu allat najugaqaqatigalugit.

Meeqqat inuusuttuaqqallu agguattarneqartarput pisariaqartitaat

aallaavigalugit, sulisulli siunissami misilinniarpaat ukioqatigiiaar-

nerullugit agguataarnissaat.

Immikkoortortaqarfimmi Umiami ineeqqat arlallit nakkutilliisunit

takuneqarput. Nakkutilliisut aamma oqaloqatigivaat nukappiaqqat

marluk mikisut qatanngutigiit. Ineerartik pinngussatillu nakkutil-

liisunut takutikkusuttorujussuuaat. Ineeraq alianaatsumik pisatser-

sugaavoq meeqqallu inaattut nalinginnaalluinnartutut isikkoqarlu-

ni, siniffiit quleriit iikkamilu assiliat. Malungineqarsinnaalluarpoq

nukappiaqqat marluullutik sulisut qaninnerinut toqqissisimalluin-

nartut, nuannaarlutik ataqatigiillutillu.

Nakkutilliisut aamma oqaloqatigaat meeqqat anginerulaartut

pingasut, taakku aamma qatanngutigiipput. Taakku tamarmik im-

mikkut ineeraqarput, torsuusamili ataatsimi. Meeqqat pingasut

oqaluttuaraat, Ivanermiinnnertik nuannaralugu, sulisullu ajunngit-

suusut. Aamma oqaluttuarivaat sulisut meeqqanik oqaloqatigin-

nillaqqissuusut, nikallungasoqartillugu. Pingasuullutik tamarmik

isumaqarput, pitsaasuusoq paarineqaramik.

Nakkutilliisut ineeqqat allat aamma alakkarpaat, niviarsiaqqanit

anginerulaartunit inigineqartut. Ineeraanni katersaateqarput sika-

ritsit puukuinik, vodka puujaasaq imaqanngitsoq aamma snus-it

puukui. Kingorna paasissutissiissutigineqarpoq taakku qulaani

taaneqartut inuusuttut ilaannit pigineqartuusut, taassumalu

angajuminit imminut isumaqaqisumit, toqukkulli qimagunnikumit

kingornussimagai.

5. Tamalaat

Sulisut oqaluttuarput angajoqqaanik suleqateqarnissaq pingaartik-

kitsik. Pingaaruteqarpoq angajoqqaat meeqqat ulluinnarni inuu-

nerannut akuutinnissaat, taamaaliorneq meeqqat angerlarsimaf-

fiup avataanut inissinneqarsimanerminni toqqissinarinerussam-

massuk, inissiisimaneq angajoqqaat akuerippassuk tapersersorlu-

gulu. Taamaattumik aamma pingaaruteqarpoq angajoqqaat pillu-

Side 5 | 8

git ajunngitsumik ataqqinnittumillu sulisunit oqaluuserineqartar-

nissaat.

Angajoqqaat angerlarsimaffimmut tikilluaqqusaajuaannarput

–

aamma angajoqqaat ungasissorsuarmi najugaqartut. Taamaattorli

ajoraluartumik meeqqat ilaat arlallit angajoqqaaminnut attaveqan-

ngillat. Tamanna sulisunut annernarpoq, meeqqanullu naalliun-

narluni.

Nalliuttuni, inuuissiornerni ullorsiornernilu allani angajoqqaat

akuliutsinneqartarput.

Nakkutilliisut alakkaanissaat sioqqullugu angerlarsimaffiup ilisi-

matitsissutigaa, meeqqat arlallit angajoqqaavi atornerluisuusut

ilaallu angerlarsimaffeqanngitsuullutik. Angajoqqaat ilaat Dan-

markimi najugaqarput imaluunniit Kalaallit Nunaanni illoqar-

finni allani. Meeqqanut unammillernartunut ilaavortaaq ilisiman-

nginnamikku qaqugu angajoqqaaminnut angerlarumaarnerlutik.

Sulisut aamma malunginiartarpaat meeqqat inuusuttuaqqallu inis-

sinneqarsimasut arlallit annertuunik unammilligassaqartartut. Ar-

lallit atuarfimmi immikkut atuaqatigiinni atuartuupput, arlallillu

inuiaqatigiinnit immikkoortitaasutut misigisimallutik.

Meeqqat inusuuttuaqqallu imminnut tatiginngillat aamma nale-

qanngitsutut misigisimapput, sunngiffimmilu sammisassani il.il.

peqataanissartik ajornartorsiutigisarlugu.

Sulisunut pingaartuuvoq, meeqqat ulluinnarni illup iluani sulias-

sanik suleqataanissaat, tamanna perorsaanermi suliniarnermut

pingaarutilittut ilaammat, inersimasunngorunik nammineersin-

naalersimanissaat pisariaqarmat. Meeqqat aamma periarfissa-

qarput timersornermut sunngiffimmilu sammisassaqartitsiniar-

nernut peqataanissaminnut.

Ivanermi periarfissaqarput meeqqat kangerlummi angalaaqa-

tiginissaannut, illuaraqaramik. Tamatumunnga atatillugu sulisut

oqaluttuarivaat pisimasoq aalajangersimasoq, tassa niviarsiaraq

inuusuttuaranngulersoq Nuummiit aallartittariaqarsimagamikku,

imminut atortittarsimanera pissutigalugu. Illersorniarlugu sulisut

nalilersimavaat tamanna pisariaqartoq, qaqutigullu pisariaqaler-

fiani tamanna meeqqap inuusuttuaqqalluunniit mattussaanertut

misigisarpaa, sakkortuumillu qisuariaateqartarlutik.

Sulisut oqaluttuarput nalinginnaasumik misigisarlugu pissutsit

ajornakusoorsisartut meeraq suliamut atatillugu nutaamik sullis-

sisortaaraagat. Tamanna akulikitsumik pisarpoq, tamatumalu

malitsigisarpaa aallaqqaataaniillusooq meeqqap inuusuttuaqqallu

Side 6 | 8

pisariaqartitaanik nalilersuisariaqalersarneq. Tamanna pineqar-

tunut tamanut tulluartuunngilaq.

Sulisut aamma oqaluttuarivaat, ilaannikkooriarlutik tassanngaan-

nartumik meeqqamik inissinneqartussamik tigusaqartarlutik. Taa-

maattoqartillugu sulisut amingaatigisarpaat meeraq pillugu paasis-

sutissat, assersuutigalugu qanoq ateqarnera, qassinik ukioqarnera

il.il. Taamaattoqartillugu sulisunut ajornakusoorsinnaasarpoq

meeraq pillugu suliniutissanik torersumik suliaqarnissaq, paasis-

sutissat pingaarutillit amingaataasarmata. Akulikitsumik aamma

nalaattarpaat paasinagu, sooq meeraq tassanngaannartumik anger-

larsimaffiup avataanut inissinneqarnersoq.

Sulisut oqaluttuarput, oqinnerusartoq meeqqanik mikisunik tigusi-

neq. Meeqqat angisuut tulluarsarnissamut ajornakusoortitsineru-

sarput, ilisimanerusaramikku sunik aqqusaagaqarsimanerlutik.

Angerlarsimaffimmi CAT-kasse atugarivaat, meeqqanik inuusut-

tuaqqanillu misigissutsit pillugit oqaloqatiginnittarnerminni.

Ilanngullugu sulisut oqaluttuarivaat, meeraq ataaseq Danmarkimi

efterskoleriartissimallugu. Tamanna annertuumik suliakkersuu-

taasarpoq.

Sulisut oqaluttuarivaat, meeraateqarlutik arlalinnik, tarnikku qu-

laajaaffigineqarnissaminnik pisariaqartitsisunik, taamali piso-

qarnissaanut piffissami sivisuumi utaqqisariaqartarlutik. Anger-

larsimaffik Dronning Ingrid-ip napparsimavissuani tarnip pis-

susaanut immikkoortortaqarfimmik A1-imik suleqateqarsimavoq,

meeraateqaraangamik qulaajaavigineqarnissaminik pisariaqartit-

sisumik. Nakkutilliisut alakkaanerisa nalaani meeraateqarput

ataatsimik, nappaateqarneranik nalilerneqartumik.

Ajornartorsiuteqartillugu imaluunniit pinerluttuliortoqarsimasin-

naaneranik pasitsaassisoqartillugu, sulisut angajoqqaat, kommuni

atuarfillu qanimut peqatigalugit pinaveersaartitsineq aallavigalugu

suliaqarniartarput. Psykoterapeut-inik oqaloqateqarnissaq aamma

periarfissaasarpoq. Pinaveersaartitsiniarluni suliniuteqarnerit ti-

mersornerusinnaapput, aallaarsimaarnerusinnaapput imaluunniit

illoqarfimmi kultoorikkut suliniutinut peqataanerusinnaapput. At-

taveqartarnermut tunngasut suliarineqartarput, meeqqat inuusut-

tuaqqallu inersimasunit najuuttunit takuneqarlutillu

tusaaneqartutut misiginiassammata. Angerlarsimaffik illuaraate-

qarpoq aallaarsimaarfigisartakkaminnik, pinngortitami meeqqat

eqqissinartumik avatangiiseqartinneqarsinnaaffiannik.

Ivanermi meeqqat tamarmik inummik attaveqaateqarput, peroriar-

tornerannik malinnaasumik.

Side 7 | 8

Apeqqutigineqarpoq qasseriarluni pissaanermik atuisoqartarsi-

manersoq, tamatumunnga sulisut akipput kisitsisit qasserpiaaner-

sut nalullugu. Sulisut oqaluttuarput, pisortat akornanni taarseraan-

neq annertusimasoq, aammalu piffissap ilaani isumaginninnermi

siunnersortimik amingaateqarsimallutik.

Taamaattorli nakkulliilluni alakkaanissaq sioqqullugu Ivanermit

nalunaarutigineqarpoq 2022-imi 13-eriarluni pissaanermik atui-

soqartarsimasoq. 2023-imi qulit missaanni pissaanermik atuiso-

qartarsimavoq. Pissaanermik atuisoqartarsimavoq meeraq inuu-

suttuararluunniit imminut allanulluunnii ulorianarsigaangat.

Pissaanermik atuisoqarsimatillugu sulisut pisussaaffigaat meeq-

qamik inuusuttuaqqamilluunniit oqaloqateqassallutik, eqqisse-

reerpat. Sulisut nassuiaasarput meeqqamut inuusuttuaqqamul-

luunniit sooq akuliuttariaqalersimanerlutik, pisimasoq pillugu

sunik allataqarsimanerlutik, kiisalu meeraq inuusuttuararluunniit

ilassutissaqarnersoq aperisarlugu. Sulisunut pingaartuuvoq,

meeraq inuusuttuararluunniit tusarniassallugu, taamaaliornikkut

pissaanermik atuisariaqalernerit pinaveersaarneqarsinnaammata.

Sulisut oqaatsinik atuisarnerat oqimaaqatigiissaagaallunilu meeq-

qanut ataqqinnippalaartuuvoq. Sulisut suliniutitik pillugit oqaa-

sinnguisarnertik suliniutigiuarpaat, soorlu aamma meeqqat inuu-

suttuaqqallu

–

ukiui pisariaqartitaallu apeqqutaatinnagu

–

amma-

sumik attaveqarfiginissaat pingaartinneqartoq.

Ivanermi immikkoortortat tamarmik ullup unnuallu ingerlanerani

ingerlariaaseqarlutillu skema-qarput, meeqqat inuusututaqqallu

ukiunut pisariaqartitaannullu naleqqussarsimasunik. Piffissat in-

nartarfiit, nerisarfiit, sammisassaqarnerit, elektronik-imik atorto-

rissaarutinik sammisaqarsinnaanerit, eqqiluisaarneq il.il. pillugit

malittarisassaqarpoq. Illup iluani malittarisassanik meeqqat inuu-

suttuaqqallu sulisut akuliusimatinniartarpaat.

Meeqqat inuusuttuaqqallu tamarmik Ivaner-miittut namminerisa-

minnik skemaqarput, imminorluinnaq naleqqussarneqarsimasu-

nik, meeqqat inuusuttuaqqallu takusinnaallugu, piffissami agger-

sumi susoqassamaarnersoq.

[Dette er en oversættelse. I tvivlsspørgsmål henviser vi til den danske original].

Nutsigaavoq. Nalorniguit qallunaatuua takuuk.

Side 8 | 8