§71, Alm.del - 2023-24 - Bilag 56: § 71-tilsynets endelige tilsynsrapport for anmeldt tilsynsbesøg den 8/9-2023 på Psykiatrisk afdeling A1, Dronning Ingrids Hospital i Nuuk, Grønland (tilsynsbesøg nr. 6)

Tilsynet i henhold til grundlovens § 71 2023-24
§71 Alm.del Bilag 56
Offentligt

Nuummi Dronning Ingrid-ip napparsimavissuani tarnip

pissusaanut immikkoortortaqarfimmut A1-imut

nakkutilliilluni alakkaaneq pillugu nalunaarusiaq

(Nakkutilliilluni alakkaaneq 6)

1. Aallaqqaasiut

Tallimanngornermi 8. september 2023 § 71 naapertorlugu

nakkutilliiartortut siumut nalunaarutigeriikkaminnik Nuummi

Dronning Ingrid-ip napparsimavissuani tarnip pissusaanut

immikkoortortaqarfimmut nakkutilliiartorlutik alakkaapput.

§ 71 naapertorlugu nakkutilliiartoqataapput nakkutilliisunut

siulittaasup tullia Camilla Fabricius (S), Theresa Berg Andersen

(SF), Alexander Ryle (LA), Mike Fonseca (UFG) aamma Aaja

Chemnitz (IA).

Taakku saniatigut peqataapput ataatsimiititaliap pisortaa Lis

Grønnegaard Rasmussen, ataatsimiititaliap allattaa Charlotte

Avnsted-Vilman, ataatsimiititaliami assisstenti Gitte Ravn Jensen

aamma oqalutsi.

Aallaqqaasiutigalugu Nakkutilliisut ataatsimeeqatigaat A1-imi

nakorsaaneq pisortaq Parnûna Heilmann,

peqqissaasuunerugallartoq Helle Mougaard aammalu

immikkoortortami peqqissaasoq Linn Ivalo Liimakka Laue.

Nakorsaaneq pisortaasoq tarnip nakorsaanngilaq, kisianni A1-

imut tarnip nakorsaanik suleqateqartoqarpoq. Nalinginnaaner-

paamik atorfiit paarlakaaffiusut aqqutigalugit.

Aallaqqaasiutigalugu sulisut oqaluttuaraat, Kalaallit Nunaannit

tamarmit napparsimasunik tigusisarlutik, aammalu immikkoor-

tortaq tarnimikkut napparsimasut pineqaatissinneqarsimasut

immikkoortortami annertuumik tatisisut. Napparsimavissuarmi

aamma meeqqanut tarnimikkut napparsimasunut immikkut im-

mikkoortortaqanngilaq, tamannalu aamma ulluinnarni sulinermi

unammillernartuusarpoq.

Nakkutilliisut alakkaanerisa nalaani immikkoortortami ammasumi

napparsimasut qulingiluat uninngapput, immikkoortortamilu ma-

toqqasumi napparsimasut pingasut uninngallutik. Napparsimasut

marluk aninissaminnut piareeqqapput, inissaqarnissaalli utaqqine-

qarluni. Napparsimasut marluk pineqaatissinneqarsimasuupput.

2. Nakkutilliisut oqaaseqaataat

6. maj 2024

§ 71-tilsynet

Charlotte Avnsted-

Vilman

Udvalgssekretær

charlotte.avnsted-

[email protected]

Tlf. 33373648

Folketinget

Christiansborg

1240 København K

3337 5500

[email protected]

www.ft.dk

Side 1 | 8

§71, Alm.del - 2023-24 - Bilag 56: § 71-tilsynets endelige tilsynsrapport for anmeldt tilsynsbesøg den 8/9-2023 på Psykiatrisk afdeling A1, Dronning Ingrids Hospital i Nuuk, Grønland (tilsynsbesøg nr. 6)

Nakkutilliisut aarlerinartoqartippaat napparsimavimmi inissat

tarnimikkut napparsimasunit pineqaatissinneqarsimasunit

tatineqarmat, aammalu pineqaatissinneqarsimallutik uninngasut

allat tarnimikkut nappaatillit immikkoortortaqarfianni

napparsimasut uninngaqatigisarmatigit. Nakkutilliisut sulisunut

isumaqataapput, sulisut isumaqarmata tamanna aaqqiineq

pitsaasuunngitsoq, uninngasunut allanut ajornerulersitsisarmat

toqqissisimannginnerup tungaatigut, ajornakusoortarmat

toqqissisimanermik paaqqutarinninnermillu pisariaqartitaannik

tunniussinissaq. Nakkutilliisut kaammattuutigaat tamatuma

iliuuseqafiginissaa, nutaamik tarnimikkut napparsimasut

immikkoortortaqarfianik sanalernermi.

Nakkutilliisut aamma aarlerinartoqartippaat meeqqanut

tarnimikkut napparsimasunut immikkoortortaqannginnera.

Nakkutilliisunulli paasissutissiissutigineqarpoq

unammillernartortaa ilisimaarineqartoq, aammalu meeqqat 18-it

inorlugit ukiullit imminnut allanulluunniit

ulorianartorsiortitsisinnaasut napparsimavimmi meeqqanut

immikkoortortaqarfimmut inissinneqartarmata

aalajangersimasumik nakkutilliisulerlugit Tarnimikkut

napparsimasut immikkoortaqarfiani a1-imeersumik. Immikkut

ittunik unammillernartoqaraangat tarnimikkut napparsimasunik

18-it inorlugit ukiulinnik passussiniarnermi, taava A1-imi

saagoqqasumi inissinneqarallartarput, tamannali qaqutigoorpoq

pinngitsoortinniarneqartarlunilu, tamannalu nakkutilliisut meeqqat

inuusuttullu eqqarsaatigalugit ajunngilluinnartutut naliliiffigaat.

Nakkutilliisut kaammattuutigaat tamatuma ajornartorsiutip

iliuuseqafiginissaa, nutaamik tarnimikkut napparsimasut

immikkoortortaqarfianik sanalernermi.

Nakkutilliisut ajunngilluinnartutut nalilerpaat isumaginninnermi

siunnersortinik marlunnik napparsimavimmi sulisoqarmat,

piffissarujussuarmik tarnimikkut napparsimasut

immikkoortortaqarfiani sulisartunik. Pingaaruteqarpoq

napparsimasut ingerlanerinik malinnaaffiginninnernik

atussaasunik tigussaasunillu sananissaq, tassanilu

isumaginninnermi siunnersuisut pingaarutilimmik inissisimapput.

Tassunga atatillugu aamma isiginiarnissaa pingaaruteqarpoq

uninngasup napparsimavimmiikkunnaarnermini

angerlarsimaffeqanngitsutut inuunermut

anisiinnarneqannginnissaa.

Side 2 | 8

Nakkutilliisut ajunngilluinnartutut nalilerpaat sulisut

atornerluisuunermut kingunerisinnaasaannullu ilisiimasaat

annertummata.

Naggataagut nakkutilliisut ajunngitsutut nalilerpaat tarnimikkut

napparsimasut immikkoortortaqarfianni sulisut

sinniisuutitaqarmata suliniaqatigiiffimmi Nuummi nutaamik

tarnimikkut napparsimasunut immikkoortortaqarfiliornissamut

malinnaatinneqartunik, suliniullu suli siumukaartuarsinnarmat.

3. Tarnip pissusaanut immikkoortortaq A1 naatsumik

Dronning Ingrid-ip napparsimavissua Nuummiittoq nuna tamak-

kerlugu napparsimavissuartut atuuttuuvoq, ulluinnarnilu DIH-mik

imaluunniit SANA-mik taaneqartarluni.

Dronning Ingrid-ip napparsimavissua arfineq pingasunik

immikkoortortaqarpoq: Psykiatriskimi immikkoortortaq,

medicinskimi immikkoortortaq, terapeutiskimi immikkoortortaq,

kirurgiskimi immikkoortortaq akutområdet, Landsapoteket,

Landstandplejen aammalu Steno Diabetes Center Grønland.

Immikkoortortaq A1 Nuummi tarnip pissusaanut

immikkoortortaa-voq. Immikkoortortaq Kalaallit Nunaanni

tarnimikkut napparsima-sunut kisiartaalluni immikkoortortaavoq

napparsimasullu Kalaallit Nunaannit tamarmeersut 17-iit qummut

ukiullit tassani uninngatin-neqartarput.

Tarnip pissusaanut immikkoortortaq ukunannga

immikkoortortaqarpoq: Tarnimikkut napparsimasut

immikkoortortaqarfiat A1, Psykiatrisk Ambulatorium,

Distriktpsykiatri (Ikaarsaarfik). Tarnpissusaanik nappaatilinnut

immikkoortortaqarfiup meeqqat inuusuttullu tarnimikkut

nappaatillit akisussaaffigai, kisiannili suleriuseq unaavoq taakku

pineqartut A1-imut unitsinneqarneq ajornerat.

Immikkoortortaq A1 Kalaallit Nunaannit tamarmit napparsimasu-

nik tassanngaannartumik pilersaarutaasumilluunniit tigusaqartar-

put, tarnikkullu nappaatit tamaasa nakorsartarlugit. Immikkoortor-

tami suleriaaseq miljøterapeutisk tilgang napparsimasunik katsor-

saanermi atorneqarpoq, tamatumani inummik attaveqaateqartitsi-

neq, imminut ikiorneq aallaavigalugu isumaginninneq, psykoedu-

kation, attaveqaatillu qitiutinniarneri aallaavigineqarlutik.

Immikkoortortami tarnikkut annertuumik napparsimasunut 12-

inut inissaqarpoq, taakkunannga pingasut matoqqasumi. Tarnip

pissu-saanut immikkoortortaqarfik ulluinnarni immikkoortortami

niviar-siamik nakorsamillu aqunneqarpoq sulisorineqarlutik

Side 3 | 8

niviarsiat, psykiatri-mut aamma peqqinnissamut assistentit,

tangiartuisartoq perorsaasullu. Ilinnagarisat akimorlugit

suleqatigiinneq annertuvoq pisariaqarlunilu.

4. Nakkutilliisut alakkarterinerat

Aallaqqaataasumik ataatsimiinnerup kingorna nakkutilliisut

marlunngorlutik avillutik illup iluani alakkarteripput napparsima-

sullu ilaannik oqaloqateqarlutik.

Napparsimavissuaq Nuup qiterpasissuaniippoq, igalaaniillu arla-

linnit Nuup kangerluanut isikkivigeqaaq.

Nakkutilliisut alakkarpaat naqqup ataani terapeertarfik. Tamaani

sungiusarnissamut atortoqarpoq napparsimasunit atorneqarsinnaa-

sunik. Aamma sanaluttarfeqarpoq, napparsimasut tamaani assas-

sorlutik suliaqarsinnaafigisinnaasaannik.

Nakkutilliisut perorsaasoq tamaani oqaloqatigaat, ukiuni arlalinni

atorfeqarsimasoq. Taanna oqaluttuarpoq, uninngasut nuannarisa-

raat naqqup ataanukassallutik, tamaani soqutigisaminnik sammi-

saqarsinnagamik. Assersuutigalugu napparsimasut iikkani qali-

paasimapput.

Naqqup ataani aamma sammisassaqarfeqarpoq sofaqartumik,

nerriveqartumik ineeqqamillu malussarniutinik atuiffiusinnaasu-

mik. Taanna naammassineqarsimanngilaq, aalajangerneqarsi-

mammat napparsimasut peqatigalugit iigaq qalipanneqaqqaassa-

soq.

Nakkutilliisut ininut allanut alakkartereqqipput, uninngasut inee-

raasa ilaat ilanngullugit. Ineeqqat pequsersugarujussuunngillat.

Ineeqqami ataatsimi uninngasut marluusarput, taakkulu igaffee-

raq uffarillu katutarisarpaat.

Tamatuma saniatigut ineeraqarpoq najugaqartut atisaminnik

errorsisarfittut atortagaannik.

Nakkutilliisut najugaqartoq ataaseq sulisunik najuuttoqaratik oqa-

loqatigaat. Taassuma immikkoortortamiinnini nuannarinerarpaa,

aammalu arlaleriarluni uninngaffigisarsimallugu.

Isumaqarpoq sulisut inussiarnerlutillu ikiuukkumatuujusut. Nuan-

narinerarpaa oqaloqatigineqaraangami, aammalu nakorsaatinik pi-

sariaqartitaminik tunigaanganni. Eqaarsaartarnini aamma nuan-

naralugit oqaatigaa.

Side 4 | 8

Skizofreni-mik napparsimalluni oqaluttuaraa, piffissallu ilaani

assut ajortarluni. Anaanani najugaqatigaa, maqaasivaalu.

Ammasumi alakkarterereerlutik nakkutilliisut matoqqasumut

aamma alakkaapput. Tamaani nakkutilliisut qassiunissaat

aalajangerneqartarpoq uninngasut qanoq ittuuneri aallaavigalugit.

Nakkutilliisut alakkaanerisa nalaani matoqqasumi pingasut

uninngapput. Tamarmik nakkutilliisunik alakkaasunik

oqaloqateqarusunngillat.

Matoqqasumi aneerasaartarfeqarpoq, uninngasut pujortariartorlu-

tilluunniit silaannarissariartorfigisinnaasaannik. Sulisut oqalut-

tuarput, uninngasut tamaana arlaleriarlutik qimaaniartarsimasut,

igalaarsuarlu aserortarsimagaat. Tamanna ajornartorsiutaavoq,

igalaarsuummi aserorneqareerneratigut piffissami sivisuumi taar-

serniarneqartarmat, taarserneqarnissaatalu tungaanut aneerasaar-

tarfik atorneqarsinnaasarani.

Matoqqasumi uninngasut aalaakkaalerlutilluunniit eqqissisima-

neruleriaraagata ingiaqateqartillugit Nuummi pisuttuaqatigineqar-

sinnaasarput, sulisunilli amingaateqarneq pissutigalugu tamanna

tamatigut naammassiuminaatsinneqartarpoq. Sulisut sulinngiffe-

qarnerisa napparsimasoqarujussuarnerisaluunniit nalaani tamanna

pisinnaaneq ajorpoq.

Alakkarterinerup nalaani sulisut oqaluttuarput, immikkoortortami

isumannaallisaaneq assut ukkatarineqartoq. Sulisut aaqqiagiin-

ngittoqartillugu isumaginnittarneq pillugu ukiumut marloriarluni

pikkorissartinneqartarput, aammalu ammasumi matoqqasumilu

tamatigut marlunnik nakkutilliisoqartuaannarluni. Sulisut saas-

sunneqarnissaminnut kalerrisaaruteqartuaannarput.

Ataatsimut isigalugu immikkoortortaqarfik nakorsiartarfippalaar-

poq, taamaattorli iikkat kusanartunik qalipaaffigineqarsimapput,

ataasiakkaanillu naasoqarluni.

5. Tamalaat

Sulisut oqaluttuarput ilinniarsimasunik pikkorissunik sulisussar-

siniarneq nalinginnaasumik ajornartorsiutaasoq.

Sulisut oqaluttuarput, Aarhus-imi napparsimavissuarmi Skejby-mi

R3-mut qanittumik suleqateqarlutik. R3-mi inissat 16-it immik-

koortitaapput kalaallinut napparsimasunut. Alakkaanerup nalaani

inissat tamarmik atorneqarput, Aarhusiliartinneqartarpullu tarni-

mikkut napparsimasut pineqaatissinneqarsimasuunerusut. Tama-

tumunnga atatillugu sulisut oqaluttuarput, napparsimasunut assut

sakkortuujusartoq Danmarkiliartinneqarluni R3-mut aallartitaasar-

Side 5 | 8

neq. Siullermik Kalaallit Nunaanni ilaquttaminnut iluamik atta-

veeruttaramik. Sulisut ikiuunniartarput napparsimasut ilaqutaa-

sullu attaveqaatit atorlugit attaveqaqatigiissinniartarlugit, taman-

nali naapilluni ataatsimoornermik taarsiisinnaanngilaq.

Ilaqutaasut Danmarkimut tikeraarnissaat kommunimit isumagi-

neqarsinnaasarpoq, aammalu aaqqissuussisoqartarluni napparsi-

masut R3-miittut sungiusaatigalugu angerlarlutik tikeraartinne-

qartarlutik. Napparsimasut Skejby-mi R3-miittarput agguaqati-

giissillugu ukiumi ataatsimi ukiullu aappaat affaani sivisutigi-

sumi.

Sulisut nalilerpaat napparsimavimmi inissat tarnimikkut nappar-

simasunit pineqaatissinneqarsimasunit tatineqartoq. Pineqaatis-

sinneqarsimallutik uninngasut allat tarnimikkut nappaatillit im-

mikkoortortaqarfianni napparsimasut uninngaqatigisarpaat,

tamannalu aaqqiineq pitsaviunngilaq. Uningasut ilarpassui

toqqissisimaneq ajorput, sulisut tamaviaaraluartut illersorniar-

lutik. Napparsimavissuarmi illup aggornerisigut sananeqaataa-

sigullu sinaakkutaasut aporfiupput uninngasut toqqissisimanis-

saannut pisariaqartitaminnillu isumassorneqarnissaannut.

Sulisut oqaluttuaraat tarnimikkut napparsimasunik pineqaatis-

sinneqarsimasunik angerlarsimaffeqanngitsunik anisitsiinnan-

ngisaannarlutik, tarnimikkulli napparsimasut uninngasut allat

naammassigaangamikkit, angerlarsimaffeqanngikkaluartut

ataasiakkaatigut iperartariaqartarlugit.

Napparsimavissuarmi meeqqanut tarnimikkut napparsimasunut

immikkoortortaqarfeqanngilaq, tamannalu ajornartorsiutaavoq.

Napparsimasut 18-it inorlugit ukiullit tarnimikkut napparsima-

nertik pissutigalugu unitsinneqartariaqartut meeqqanut immik-

koortortaqarfimmut nalinginnaasumut inissinneqartariaqartarput,

qanoq pisariaqartitsinerat apeqqutaatinnagu. Meeqqanut immik-

koortortaqarfimmi nalinginnaasumi uninngasunut assiaquser-

suilluniluunniit pinngitsaaliineq atorneqarsinnaanngilaq. Meeq-

qanut immikkoortortaqarfimmi atuartitsinermik pilersitsisoqar-

simanngilaq. Sulisut oqaluttuarivaat, meeraq 15-it inorlugit ukiu-

lik unitsinneqassagaangat inersimasumik/angajoqqaamik ilaqar-

tinneqartartut, tamannalu aamma sapinngisamik atorniarneqar-

tartoq meeqqanut angajulliumaanut.

Nakkutilliisut apeqqutigaat niviarsiaqqanik neriumanngitsunik

arlalinnik unittoqartarnersoq. Sulisut akissutigaat Kalaallit Nu-

naanni taamaattunik napparsimasunik amerlasuunik takusaqar-

taratik.

Side 6 | 8

Immikkoortortami illup iluani ileqqorissaarnissamut maleruagas-

saqarpoq. Maleruagassat tikilluaqqussullu naqitaq ataatsimoor-

tillugit immikkoortortamut unittunut tunniunneqartarput. Nappar-

simasut unitsinneqarnerminni pisinnaatitaaffitik pillugit paasitin-

neqartarput.

Immikkoortortamut meeqqat pulaaqqusaanngillat. Siullermik pi-

nerullugu meeqqat namminneq eqqarsaatigalugit, napparsimasut

ilaat napparsimangaatsiartuusarmata. Taamaattoq Psykiatrisk

Terapi-mi oqaloqatigiittarfimmik pilersitsisoqarsimavoq, tassani

meeqqat angajoqqaatik takusinnaallugit. Taamaattoqartillugu qa-

nittuani nakkutilliisoqartuaannarpoq, aamma napparsimasup pisa-

riaqartitaa aallaavigineqartarluni.

Sulisut ilanngullugu oqaluttuarivaat napparsimavissuaq isumagin-

ninnermi siunnersortinik marlunnik sulisoqartoq, taakkulu tarnip

pissusaanut immikkoortortaqarfimmut piffissartik annertooq ator-

taraat. Pingaarutilerujussuuvoq tarnimikkut napparsimasut pitsaa-

sunik atorsinnaasaannillu pilersaarusiuunneqartarnissaat, tamatu-

manilu isumaginninnermi siunnersortit pingaaruteqarluinnartumik

inissisimapput.

Napparsimallutik uninngasut amerlasuut atornerluisuupput aam-

malu assersuutigalugu hashpsykose-rtuullutik. Sulisut oqaluttuari-

vaat, sulisut arlallit atornerluisuuneq tamatumalu kinguneeri pil-

lugit annertuumik ilisimasaqartut. Namminersorlutik Oqartussat

atornerluinermut katsorsaavimmik Nuummi peqarput, napparsi-

masunulli arlalinnut tamatuma katsorsaanertaa malinnaaffigiumi-

natsinneqarpoq, ajornartorsiutitik annertuallaaqimmata.

Sulisut oqaluttuaraat, napparsimasut immikkoortortaqarfimmut

unitsinneqarnermi nalaani ajortorujussuusartut. Taakkunannga

arlallit Nuummi najugaqaqatigiiffinni najugaqarput. Sulisut oqa-

luttuaraat najugaqaqatigiiffinni tamakkunani sulisut suliamut ilin-

niarsimanngitsuunerat ajornartorsiutaasoq angisooq, napparsima-

sut pisariaqartitsisorujussuarnik nappaateqarlutillu unammilligas-

saqartuummata, sulisunit suliamut ilinniagaqarsimanngitsunik

qanoq iliuuseqarfigiuminaatsunik, taamatut nappaatilinnik isu-

maginninnikkut perorsaanikkut ilisimasanik pisariaqartunik pi-

gisaqanngitsunit.

Napparsimasut tamarmik immikkoortortaqarfimmut unitsinneqar-

nerminni sulisumik attaveqaaserneqartarput. Tamanna pisarpoq

unitsinneqarnermik aqaguani. Sulisumik attaveqaasiinerup siu-

nertaraa sulisut napparsimasullu akornanni attaveqaqatigiinnerup

inuppalaartuutinnissaa. Napparsimasup katsorsarneqarnerminut

atatillugu paasissutissat pisassarisaanut attaveqaataasoq akisus-

Side 7 | 8

saasarpoq, taamaalillunilu napparsimasoq tamakku pillugit assi-

giinngitsorpassuarnit saaffigineqaqattaassanngilaq.

Attaveqaataasumut attaveqarneq suliamut tunngasuuvoq aammali

inuttut attaveqarnermut tunngasuulluni, qanilaarneq ataqatigiis-

saarinissarlu ukkatarineqartarlutik. Napparsimasup isumaqatigiis-

sutai katsorsarneqarnissaanullu pilersaarutit pillugit attaveqaataa-

soq nakkutiginnittuusarpoq.

Sulisut qaammatikkaartumik ullormi sammisaqarfigisaminni,

sapaatip akunneranullu nakorsamit atuartinneqartarput. Tama-

tuma saniatigut ukiumut marloriarlutik aaqqiagiinngitsoqartillugu

isumaginneriaatsimut pikkorissartarput, ukiumullu ataasiarlutik

miljøterapi-mut pikkorissartinneqartarlutik.

Alakkaalluni nakkutilliiartornissaq sioqqullugu immikkoortorta-

qarfiup nassiussimavaa piffissami januar 2023-miit juli 2023 ilan-

ngullugu immikkoortortaqarfimmi pissaanermik atuisimanerit pil-

lugit paasissutissat. Immikkoortortaqarfimmi pissaanermik atue-

riaatsit assigiinngitsut atorneqartarput. Siullermik aalajangiinerit,

nukersorluni pissaanermik atuinerit, kiisalu eqqissisaatinik nakor-

saasiinerit.

Alakkaalluni nakkutilliiartornissaq sioqqullugu nakkutilliisut tigu-

saqarput immikkoortortaqarfimmi uninngasut sunik nappaateqar-

nerisa allassimaffiannik. Uninngasut amerlanerpaartaat ilaatigut

skizofreni-mik nappaatiliupput atornerluisuullutillu.

Sulisut oqaluttuaraat, Nuummi napparsimavissuarmi tarnip pissu-

saanut immikkoortortamik sanaartortoqarnissaanik pilersaarute-

qartoqartoq. Naatsorsuutigivaat taannna 2026-ip naanerani pia-

reerneqarumaartoq. Sanaartukkatigut sinaakkutit nutaat qulakkiis-

savaat, napparsimasut pisariaqartitaat aallaaviginerullugit sulisut

sulisinnaalernissaat, neriuutigineqarporlu, immikkoortortaqarfis-

saq arlariinnik assigiinngitsunik immikkoortortaqarumaartoq,

napparsimasut pisariaqartitaat aallaavigalugit pitsaanerusumik

immikkoortinneqarsinnaalissallutik.

[Dette er en oversættelse. I tvivlsspørgsmål henviser vi til den danske original].

Nutsigaavoq. Nalorniguit qallunaatuua takuuk.

Side 8 | 8