§71, Alm.del - 2023-24 - Bilag 55: § 71-tilsynets endelige tilsynsrapport for anmeldt tilsynsbesøg den 7/9-2023 på Børnehjemmet Tupaarnaq i Nuuk, Grønland (tilsynsbesøg nr. 5)

Tilsynet i henhold til grundlovens § 71 2023-24
§71 Alm.del Bilag 55
Offentligt

Nuummi Meeqqat angerlarsimaffiannut Tupaarnamut

nakkutilliilluni alakkaaneq pillugu nalunaarusiaq

(Nakkutilliilluni alakkaaneq 5)

1. Aallaqqaasiut

Sisamanngornermi 7. september 2023 § 71 naapertorlugu

nakkutilliiartortut siumut nalunaarutigeriikkaminnik Nuummi

Meeqqat angerlarsimaffiannut Tupaarnamut nakkutilliiartorlutik

alakkaapput.

§ 71 naapertorlugu nakkutilliiartoqataapput nakkutilliisunut

siulittaasup tullia Camilla Fabricius (S), Theresa Berg Andersen

(SF), Alexander Ryle (LA), Stinus Lindgren (RV) aamma Aaja

Chemnitz (IA).

Taakku saniatigut peqataapput ataatsimiititaliap pisortaa Lis

Grønnegaard Rasmussen, ataatsimiititaliap allattaa Charlotte

Avnsted-Vilman, ataatsimiititaliami assisstenti Gitte Ravn Jensen

aamma oqalutsi.

Aallaqqaasiutigalugu nakkutilliisut meeqqat angerlarsimaffianni

pisortanik sulisunillu ataatsimeeqateqarput. Meeqqat angerlarsi-

maffianniit peqataavoq pisortaq Birgit L. Andersen, aamma peror-

saasoq Martin Ømark Andersen sulisullu allat arlallit

ataatsimiinnermi angalaarunneqarnermilu ilaapput.

Sulisut oqaluttuaraat meeqqat angerlarsimaffianni ulluinnarni

qanoq ingerlariaaseqartoqarnersoq. Sulisut isumaqarput meeqqat

angerlarsimaffianni atugarissaarlutik. Isumaginninnerup tungaati-

gut inissisimalluarput sulisoqarlutillu piginnaasaqarluartunik

ukiuni arlalinni misilittagaqartunik.

Sulisut oqaatigaat Tupaarnami vikarinik atuineq ajorlutik, isuma-

qarluinnaramik, meeqqanut iluanngitsoq, inersimasunik nutaanik

takkuttoqartuarnissaa. Pisariaqartitsisoqartillugu sulisut pingaar-

tuusarput.

Nakkutilliiartorluni alakkaanerup nalaani meeqqanik akuersiner-

taqanngitsumik najugaqartoqanngilaq. Meeqqat najugaqartut pif-

fissami sivisuumi taamatut pisariaqartitsisuupput, assersuutiga-

lugu ilaqutariit katsorsarneqarnerini aqqusaagaqartarsimallutik

imaluunniit ilaqutarsianittarsimallutik. Ilaatigulli aamma iserter-

toqartarpoq akuersisitsinertaqanngitsumik angerlarsimaffiup ava-

taanut inissinneqartunik.

6. maj 2024

§ 71-tilsynet

Charlotte Avnsted-

Vilman

Udvalgssekretær

charlotte.avnsted-

[email protected]

Tlf. 33373648

Folketinget

Christiansborg

1240 København K

3337 5500

[email protected]

www.ft.dk

Side 1 | 8

§71, Alm.del - 2023-24 - Bilag 55: § 71-tilsynets endelige tilsynsrapport for anmeldt tilsynsbesøg den 7/9-2023 på Børnehjemmet Tupaarnaq i Nuuk, Grønland (tilsynsbesøg nr. 5)

2. Nakkutilliisut oqaaseqaataat

Nakkutilliisut aarlerinaateqartippaat meeqqat Tupaarnamut

inissinneqartarnerannut peqqutaasarmat angajoqqaavisa

angerlarsimaffeqanngitsuunerat. Nakkutilliisut paasinnipput

allanik aamma peqqutilimmik inissiisoqartarmat, kisiannili

angajoqqaat angerlarsimaffeqannginnerisa

ajornakusoortilersinnaavaa meeqqap inissinneqarnikup

ilaqutaasalu attaveqaqatigiinnissaasa ingerlatiinnarneqarnissaa,

taamaammallu pingaaruteqarpoq misissorneqarnissaa allanik

aaqqiissusiortoqarsinnaanersoq ilaqutariinnut. Angerlarsimaffiup

avataanut inissinneqarneq akulerunneruvoq annertoorujussuaq

meeqqamut angajoqqaanullu.

Nakkutilliisut aarlerinaateqartippaat Psykiatriimi meeqqat

inuusuttullu misissorneqarnissaat ajornakusoormat.

Misissuisarnerup siunertarivaa paasiniassallugu meeraq arlaannik

nappaateqarnersoq ajoquteqarnersorluunniit,

taamaattoqassappallu nakorsartinneq sorleq eqqortuussanersoq

aalajangerneqarsinnaalluni. Aamma meeqqamut perorsaanerup

iluani iliuusissatut aalajangiisuuvoq tamanna,

Tamatuma saniatigut pingaaruteqarpoq sulisut

ilisimasariaqakkaminnik ilisimasaqarnissaat

nakkutigineqarnissaallu meeqqanut inuusuttunullu atugarliortunut

tapersersuinissap tungaatigut. Pingaaruteqarpoq sulisut

ilisimasaminnik nutarteriffigiuarnissaat soorlu meeqqat

assersuutigalugu kannguttaatsuliorfigineqarsimasut.

kaatsitaasimasut nakuuserfigitissimasullu qanoq naaperiarnissaat

eqqarsaatigalugu.

Nakkutilliisut ajunngilluinnartutut nalilerpaat Tupaarnap

sammisassaqartitsisarnera annertummat, meeqqat inuusuttullu

aalalluarnissaat qulakkeerumasarmassuk, soorlu aamma aasakkut

angalatinneqartartut.

Nakkutilliisuttaaq ajunngitsutut nalilerpaat angajoqqaanik

suleqateqarnissaq ukkatarineqarluarmat. Pingaaruteqarpoq

angajoqqaat malinnaatittarnissaat meeqqap ulluinnaanut

atugarissaarneranullu, aamma siunissami naliliiffigineqarpat

illersorsinnaasoq meeqqap angerlartinneqarnissaa, taava taamatut

malinnaatitsisarneq periarfissanik nukittorsaasuussaaq.

Naggataagut nakkutilliisut ajunngilluinnartutut nalilerpaat

qaqutigoortuummat Tpaarnami najugaqartunut pissaanermik

atuisarneq, taamaattoqarsimagaangallu sulisuniit tamatigut

malitseqartinneqartarluni.

Side 2 | 8

§71, Alm.del - 2023-24 - Bilag 55: § 71-tilsynets endelige tilsynsrapport for anmeldt tilsynsbesøg den 7/9-2023 på Børnehjemmet Tupaarnaq i Nuuk, Grønland (tilsynsbesøg nr. 5)

3. Meeqqat angerlarsimaffiat Tupaarnaq naatsumik

Tupaarnaq tassaavoq ulloq unnuarlu angerlarsimaffik kommu-

nimit ingerlanneqartoq. Siunnerfigisaapput silassorissutsimikkut

nalinginnaasut sumiginnakkat meeqqat inuusuttuaqqallu ineriar-

tornissaminnut periarfissallit, annertuumilli pisariaqartitsisut aaq-

qissuussaalluartumik avatangiiseqarnissaminnik.

Meeqqat angerlarsimaffiat Tupaarnaq meeqqanut inuusuttuaqqa-

nullu qulingiluanut 4-18 akornanni ukiulinnut inissaqarpoq.

Assigiinngitsunilli pissuteqartumik meeqqanik sisamat ataallugit

ukiulinnik aamma tigusaqartariaqartarsimapput.

Angerlarsimaffittut aamma kissaatigaat meeqqanik mikisunik qa-

tanngutigiinnik isumagisaqarnissartik, soorlu meeraq arfinilinnik

ukiulik nukarlernik qatannguteqarsimappat. Tamatumani pissuti-

givaat misilittakkatik suliaminnullu tunngatillugu ilisimagamikku

meeraanermi siusissukkut qatanngutinit avissaartitaaneq qanoq

sakkortusinnaatiginersoq.

Alakkaanerup nalaani angerlarsimaffimmut iserteqqammerpoq

nukappiaraq pingasunik ukiulik, tamatuma nalaani ilaqutarsiami-

niissinnaajunnaarsimasoq. Tamanna immikkut ittumik akuersissu-

teqarnissamik pisariaqartitsivoq. Sulisulli nalilerpaat, nakkutillii-

nermikkut ilaqutariinnillu suliaqarnikkut ikiuussinnaallutik

nukappiaqqap eqqortumik inissinneqarnissaanut piffissamilu ag-

gersumi toqqissisimanissaanut.

Sulisunut pingaartuuvoq, meeqqat tamaaniittut aalaakkaasuunis-

saat. Suleriaaserineqarpoq meeqqat ukioqqortunerulaartut Tupaar-

namut inissinneqarsimanertik pillugu oqaluttuarsinnaanissaat.

Taamaattumik meeqqat ukioqqortunerulaartut angerlarsimaffimmi

inuunerissaarnissamut sunniuteqartorujussuusarput. Meeqqallu u-

kiukinnerit taakku qummut isigisarpaat.

Alakkaanerup nalaani meeqqat qulingiluaapput 3-12 akornanni

ukioqartut.

Sulisorineqarput forstanderi, immikkoortortani pisortat marluk,

perorsaasut arfinillit, inunnik isumaginninnermi ikiortit marluk,

ikiortit marluk eqqiaasorlu ataaseq.

Meeqqat inuusuttuaqqallu tamarmik Tupaarnamut inissinneqar-

tartut Nuumminngaaneersuupput. Tamatuma malitsigisaanik

perorsaanerup tungaatigut sulinermi periusissiornermilu ilaqu-

taasut allallu attaveqaataasut peqataatinneqartarnerat. Attaveqa-

Side 3 | 8

§71, Alm.del - 2023-24 - Bilag 55: § 71-tilsynets endelige tilsynsrapport for anmeldt tilsynsbesøg den 7/9-2023 på Børnehjemmet Tupaarnaq i Nuuk, Grønland (tilsynsbesøg nr. 5)

qatigiinnissap suliarineqarnera tamanut tunngartillugu pingaartin-

neqartorujussuuvoq.

Misilittagarineqarpoq ilaqutaasut attaveqaataasullu meeqqap ine-

riartorneranut inuunerissaarnissanullu sunniutilerujussuusut. Ul-

luinnarni Tupaarnami sulinermi aaqqissuussaaneq pisussanillu

siumut naatsorsuutiginnissinnaaneq qitiutinneqarluinnarput. Ta-

manna meeqqami pisariaqartumik toqqissisimanermik pilersitsi-

sarpoq meeqqallu imminut avatangiisiminullu tatiginnissinnaa-

neranik ikorfartuisarluni.

4. Nakkutilliisut alakkarterinerat

Aallaqqaataasumik ataatsimiinnerup kingorna nakkutilliisut

angerlarsimaffimmi alakkarteritinneqarput. Tupaarnaq ulloq un-

nuarlu angerlarsimaffiuvoq mikinerusoq, immikkoortunullu mar-

lunnut avinneqarsimasoq, ulluinnarni taaneqartartunik ”qulliit”

aamma ”alliit”. Imaallutillu meeqqanut immikkoortortaq aamma

inuusuttuaqqanut immikkoortortaq.

Taamatut immikkoortortaliisimanerni eqqarsaataavoq, meeqqat

qullerniittut ikorfartorneqarnissamik aqunneqarnissamillu pisa-

riaqartitsinerusut, taamaalilluni isumassuineq allaanerulluni.

Qullerni meeqqanut immikkoortortami arfinilinnut inissaqarpoq.

Sumi tamani eqqiluippoq torerlunilu, inillu angerlarsimaf-

fippalaarnerat misinnarpoq. Ineeqqat alianaapput imatorsuarlu

pisatsersugaanatik.

Allerni inuusuttuaqqat inaanni aamma alianaappoq, eqqiluilluni

torerluniluni. Immikkoortortami tassani meeqqat piumasaqaatinik

allaanerusunik malinnittussaapput. Meeqqat namminneq timikkut

eqqiluisaarnissartik isumagisussaavaat ataatsimullu suliassatigut

ikiuunnerussallutik, soorlu nerisassiornermi, erruinermi il.il.

Sulisut kissaatigaat meeqqat sunngiffimmi sammisassaqarnerunis-

saat, allaammi sunngiffimmi suliffissaqarnissaat. Tamatumani pi-

sariaqarpoq imminut ilisimaarinerunissaq imminullu aqussinnaa-

nissaq inuusuttuaqqap inuunerani salliutinneqassaaq.

Sulisut oqaluttuaraat, alakkaanerup nalaani inuusuttuaqqanut im-

mikkoortortami meeqqat 11-12 akornanni ukioqarmata, taakku-

nunnga piumasaqaatit allaanerusut, inuusuttuaqqanut 14-18 akor-

nanni ukiulinnut piumasaqaatigisartakkaminnut sanilliullugit.

Naatsorsuutigineqartarporli ulluinnarni pisussaaffinnut meeqqat

peqataanissaat, taakkulu aamma piffissami allaasumi innartarfe-

qarput.

Side 4 | 8

§71, Alm.del - 2023-24 - Bilag 55: § 71-tilsynets endelige tilsynsrapport for anmeldt tilsynsbesøg den 7/9-2023 på Børnehjemmet Tupaarnaq i Nuuk, Grønland (tilsynsbesøg nr. 5)

Nakkutilliisut najugaqarfimmi meeqqat ilaat oqaloqatigivaat.

Taanna oqaluttuarpoq Tupaarnami najugaqarnini nuannaralugu,

aammalu ukioq ataaseq tamaani najugaqarsimalluni.

5. Tamalaat

Sullinniakkat pillugit Tupaarnami sulisut oqaluttuaraat, meeqqat

inuusuttuaqqallu annertoorujussuarmik sumiginnagaasimaneq mi-

sigisimagaat. Peroriartorfiini nakuuserneq, imigassaq, kanngut-

saatsuliorfiginninneq perlilernerlu atugarisimavaat.

Tassunga atatillugu aamma meeqqat angerlarsimaffiannit malugi-

niarneqarpoq, meeqqat arlallit inissinneqarsimasut angajoqqaat

angerlarsimaffeqannginnerat pissutigalugu. Tamanna angajoqqaa-

nut attaveqarniarnerannut aporfiliivoq, angajoqqaatimmi angerlar-

simaffiinut pulaarsinnaanngimmatigit.

Sulisut oqaluttuarput, meeqqat inuusuttuaqqallu inuuniarnermik-

kut ajornartorsiutillit ikorfartornissaat siunertaralugu ilisimasat

supervision-iisinnaanerillu amingaataasut. Pingaartinneqarpoq

sulisut ilisimasat tungaatigut nutarterigivigineqartuarnissaat,

qanoq pitsaanerpaamik meeqqanik naapitsisinnaaneq pillugu,

assersuutigalugu kanngutsaatsuliorfigineqarsimasut, perliler-

simasut nakuuserfigineqarsimasulluunniit pillugit.

Sulisut oqaluttuarput angajoqqaanik suleqateqarneq ukkanniar-

neqartorujussuusoq. Meeqqat angerlarsimaffiat meeqqanik Nuum-

minngaaneernersunik tigusaqartarmat, tamatuma meeqqat ulluin-

narni inuunerannut angajoqqaanik peqataatitsinissaq periarfissa-

qartittarpaa. Tamannalumi pingaarutilerujussuuvoq, aallaavigi-

neqartuartarmat meeqqap inuusuttuaqqalluunniit piffissap ilaani

angerlarumaarnissaat.

Meeqqat inuusuttuaqqalluunniit akuersisitsinertaqanngitsumik

ulloq unnuarlu angerlarsimaffimmut iserterpata, taava sulisut

suliniutigiuaannartarpaat, najugaqarnerup akuersinermik tunnga-

veqarnissaa. Sulisut meeqqamik isumaginnissinnaanerat ajor-

nannginnerusarpoq, angajoqqaat misigisimappata akuutinneqar-

lutik tusaaniarneqarlutillu.

Meeqqanik inuusuttuaqqanillu Nuumminngaaniit taamaallaat

tigusaqartaramik, sulisut aallarniutigisarpaat angajoqqaanik oqa-

loqateqarneq, tassani ilaqutariit oqaluttuassartaat tusarnaarneqar-

lunilu paasiniarneqartarluni. Taamatut periaaseqarnerup kingune-

rikkajuppaa, angajoqqaat akuersisarmata, meeqqamik inuunera-

nut peqataassagamik

–

nukissatik pigisatik aallaavigalugit.

Side 5 | 8

§71, Alm.del - 2023-24 - Bilag 55: § 71-tilsynets endelige tilsynsrapport for anmeldt tilsynsbesøg den 7/9-2023 på Børnehjemmet Tupaarnaq i Nuuk, Grønland (tilsynsbesøg nr. 5)

Sulisut ilanngullugu erseqqissarpaat, pisariaqartoq perorsaasunut

atugassarititaasut pitsaanerulernissaat. Suliffik annertuumik piu-

masaqarfiusuuvoq piumassusermik kajumissusermillu annertuu-

mik piumasaqaatitaqartoq. Tupaarnaq ulloq unnuarlu angerlarsi-

maffiuvoq kommunimit ingerlanneqartoq, pisortallu misigisarpaat

meeqqanik isumaginninnermi namminersortunit ingerlanneqartut

sulisuminnut akissaatitigut pitsaanerusumik atugassaqartitsisartut.

Sulisut aamma oqaluttuaraat, misigisarlugu Nuummi illoqarfis-

suartut unammillernartut arlallit piusut. Internet ukiut qulit kingu-

liit ingerlaneranni atugaalerpoq, internetsilu inuusuttuaqqanut an-

nertoorujussuarmik sunniuteqalersimavoq. Killissamik qaangii-

niarnerup tungaatigut, kisianni aamma nalinginnaasumik iluaru-

sunnissaq eqqarsaatigalugu.

Sulisut oqaluttuaraat isumaqarlutik, timikkut iluarisimaarneq

aammalu timimik aalatitsisinnaanermut piginnaasat ineriartor-

nissamut tunngavissiilluartartut peqqinnartumik, misigissutsikkut

eqqarsartaatsikkullu unammilligassat tungaasigut, meeqqat atu-

garisartagaat angerlarsimaffiup avataanut inissinneqarnermi na-

laani.

Sulisut oqaluttuarput, aasaanerani asiartarlutik. Aasaanerani

qaammatit marlu, Ameralla/Kilaarsarfimmi qaammatini marlunni

tupersimaartarput. Tamaani meeqqat assigiinngitsutigut ineriar-

tortinneqartarput. Peqateqarsinnaaneq, ataatsimoornermik paasin-

ninneq, asimi piginnaasat, timikkut tarnikkullu unammilligassat/

aqqusaagassat assoroornarsinnaasut, aallaaniarneq, aalisarneq, ti-

mersorneq, iligiiaarluni sammisaqarnerit aamma misigissusileri-

neq, minnerunngitsumillu pisussaaffiit suliassallu isumagisaria-

qartut, pinngortitami inuuniassagaanni.

Påskemi/ukiumi Qoornuliartarput ulluni10-12-ni, taamaalinerani-

lu anori silalu allaanerusarput. Tamaani ukiuunerani sammisassat

ukkanneqartarput, tassa sisorarneq, sisooraarneq, apummik illun-

nguusiornerit, qaqqami aqissiliarnerit aamma fiskestang atorlugu

aalisarneq. Tamatuma saniatigut pisussaaffiit, soorlu sermimik

imissamik imertarneq, nerisassiorneq, aqunngasarfiup siparnianik

igitsiartorneq, erruineq illumilu nalinginnaasumik torersaaneq.

Meeqqat angajoqqaavi aanaakkui aataakkuilu tikilluaqqusaasarput

taamatut tammaaqatigiittoqarnerinut, piumagunik.

Ukioq allortarlugu Danmarkimut angalasarput meeqqat inuusut-

tuaqqallu angerlarsimaffiup avataanut inissinneqarsimasut allat

nunanit tamalaaneersut atletik-imik unammiuaarnerinut peqataa-

sarlutik. Angerlarsimaffiup ikinngutaa Orøstrand unammersuar-

nernut qaaqqusisuusarpoq.

Side 6 | 8

§71, Alm.del - 2023-24 - Bilag 55: § 71-tilsynets endelige tilsynsrapport for anmeldt tilsynsbesøg den 7/9-2023 på Børnehjemmet Tupaarnaq i Nuuk, Grønland (tilsynsbesøg nr. 5)

Sulisut misigisarpaat, meeqqat angerlarsimaffianni sulisunut avis-

saaqqukkiartulersartut 16-17 miss. ukioqaleraagamik. Taamaali-

nerani inuusuttuaqqat nammineerniarnissartik pisariaqartilersar-

paat, kommunilu suleqatigalugu ingerlariaqqinnissaannik ikior-

niartarlugit. Inersimasunngoreernerminni ilaatigut meeqqat anger-

larsimaffiat pulaartarpaat.

Alakkaanissaq sioqqullugu nakkutilliisut apeqqutigivaat, meeq-

qat inuusuttuaqqallu qassit tarnip nakorsaanit qulaajaavigineqar-

simanersut. Sulisut akissutigaat inuusuttuaqqat qulaajaaviginiar-

nerat ajornakusoortoq. Meeqqat najugaqartut ilaat qulaajaavigine-

qarluni ingerlavoq, meeraqarporli allanik suli sukumiisumik qu-

laajaavigineqartariaqaraluartunik.

Meeqqat angerlarsimaffiannut pingaartuuvoq ilisimassallugu

meeqqat inuusuttuaqqallu sutigut unamminartorsiuteqarnersut.

Malittarisassat tunngavigalugit meeqqat inuusuttuaqqallu tigu-

sarpaat taamaallaat nalinginnaasumik silaqassusillit ineriartor-

nissaminnut periarfissaqartut, pissutsilli piviusut allaanerupput.

Inissiisimaneq sapinngisartik tamaat attanniartarpaat, suliassaq

artulersinnagu. Ilaatigulli nassuerutigisariaqartarpaat suliassaq

naammassisinnaanagu. Tamanna uggornarpoq, tassami angerlar-

simaffimmik allamik imminnut sanilliullutik ajunnginnerusumik

nassaarnissaq tamatigut pisinnaaneq ajormat.

Alakkaanissaq sioqqullugu sulisut paasisitsipput, ukiumi kingul-

lermi pingasoriarluni pissaanermik atuisoqarsimasoq, tamannalu

qaffasinnerusoq ukiunut siullernut sanilliullugu. Aalajangersima-

sumik pineqartoq nappaateqarpoq, avatangiisiminut paasinnis-

sinnaarpiannginnermik immaqaluunnit pingaarnertut, avatangii-

siminit paasineqarsinnaannginnerminik.

Meeqqanik nukangasuuteqarput aamma perorsaanerup tungaatigut

pissuserisaanik aqunneqartariaqartumik. Assersuutigalugu meeraq

nerrivik kaavillugu arpattuarpat, innartinnani kigutigissartussaatil-

luni. Taama pisoqartillugu sulisut meeraq eqillugu kivittariaqar-

tarpaat kigutigissarlugulu. Sulisut isumaqarput tamanna pissaaner-

mik atuinerunngikkaluartoq.

Pissaanermik atuinerup saniatigut aamma ima pisoqarsinnaasar-

poq, sulisut misigisimallutik, meeraq atuariartortinnagu angerlar-

simatiinnarneqartariaqartoq. Tamanna pissuteqarsinnasarpoq

atuarfiup kissaateqarneranit, assersuutigalugu ippassaammat eq-

qissiviilliortoqarsimanera pissutigalugu. Aamma imaassinnaasar-

poq meeraq ullormik aallartitsinerliorsimappat, sulisut nalileraat,

atuarfimmi sunniisinnaasorpassuit meeqqap sapissagai.

Side 7 | 8

§71, Alm.del - 2023-24 - Bilag 55: § 71-tilsynets endelige tilsynsrapport for anmeldt tilsynsbesøg den 7/9-2023 på Børnehjemmet Tupaarnaq i Nuuk, Grønland (tilsynsbesøg nr. 5)

Sulisut ilanngullugu paasisitsipput, siornatigut kangerlummukar-

simallutik ulluni 14-ni meeraq piffissami sivisuumi ajornartorsiu-

tigisimasartik ilagalugu. Kisimiitinnissaa pisariaqarsimavoq

meeraq eqqissitinniarlugu. Tamatigut meeraq inuusuttuararluun-

niit taamatut aalajangertoqarneranut isumaqataasartoq, sulisulli

aalajangersimapput, taama pisoqartariaqartoq. Isumaqatigiinngin-

neq oqaatsit tungaatigut ersiuteqartarpoq.

Meeqqamut inuusuttuaqqamulluunniit pisaanermik atuisoqarsima-

tillugu, sulisut tamatigut meeqqat inersimasullu akornanni pissaa-

nermik atuisoqarsimanera oqaluuserineqartarpoq. Tamanna pine-

qartumut pisinnaavoq imaluunniit ataatsimoorluni. Meeraq aam-

ma kaammattorneqartarpoq aaqqiissutissamik siunnersuuteqaq-

qullugu pissaanermik atuisoqarnissaa nutaamik pinngitsoorumal-

lugu.

Meeqqat angerlarsimaffianni malittarisassaqarpoq arlalinnik,

meeqqanit inuusuttuaqqanillu malinneqartussanik. Asersuutiga-

lugu pujortarneq imigassartornerlu inerteqqutaapput.

Meeqqat angerlarsimaffianni ileqqorissaarnissamut malittarisas-

saqarpoq, meeqqallu inuusuttuaqqallu taakku pillugit paasitinne-

qartarput. Naqitaapput, pisortalli kissaatiginngilaat naqitanik

allagartanillu iikkani peqarpallaannginnissaa. Pissutiginerullugu

Tupaarnaq angerlarsimaffippalaarnissaa suliffeqarfittuunngitsoq.

Malittarisassat ingerlaavartumik oqaluuserineqartarput.

Angerlarsimaffimmi innarfissat aalajangersimasuupput, piffissal-

lu qanoq ukioqarneq aallavigalugu aalajangersagaallutik. Sulisut

eqqumaffigisorujussuuaat ilisimatuut sinik pillugu pisariaqartit-

sinermut oqariartuutigisaat. Meeqqat elektronik-it tamaasa tun-

niutissavaat, qullerlu qamillugu, kiisalu nal. 22.00 kingorna wifi

attaveqarneq ajorpoq.

Meeqqat inuusuttuaqqallu pulaartoqarsinnaapput imaluunniit al-

lanut pulaarsinnaapput, kisianni sulisut tamakku pillugit isuma-

qatigiissutit aaqqissuussaasimanissaannik pingaartitsisuupput. Pif-

fissaalluartillugu meeqqat isumaqatigiissusioreersimassapput

–

tassa imaappoq ullormik ataatsimik sioqqutsillutik. Inuusuttuaq-

qat 15-leereersimasut isumaqatigiissutit tungaasigut annerusumik

periarfissaqartinneqarput.

[Dette er en oversættelse. I tvivlsspørgsmål henviser vi til den danske original].

Nutsigaavoq. Nalorniguit qallunaatuua takuuk.

Side 8 | 8