L 52 - 2022-23 (2. samling) - Bilag 2: Dokumenter vedr. Inatsisartuts behandling af lovforslaget

Grønlandsudvalget 2022-23 (2. samling)
L 52 Bilag 2
Offentligt

11.10.2022

UKA2022/114-132

Hans Enoksen, Naleraq

Kalaallit Nunaanni sullivimmi avatangiisinut inatsisip allanngortinneqarnissaanut inatsisis-

satut siunnersuutip (Sullivimmi tarnikkut avatangiisit, isumannaatsuuneq aamma peqqinneq

pillugit suliffeqarfiup suleqataanera, sulliviit naliliiffigineqartarnerinut piumasaqaatinik su-

katerineq, Sullivinnik Nakkutilliisoqarfiup qisuariaateqarnissamut periarfissaanik anner-

tusaaneq, paasissutissanik katersuineq, suliarinninneq aamma ingerlatitseqqiineq, suliffeqar-

finnik isumaqatigiissuteqartarnerup ingerlasarnera, pillaatissiissutinik sakkortunerulersitsi-

neq il.il.) Namminersorlutik Oqartussanit akuersissutigineqarnissaa pillugu Inatsisartut aala-

jangiiffigisassaat.

(Isumaginninnermut, Suliffeqarnermut Nunamullu Namminermut Naalakkersuisoq)

Sullivimmi avatangiisit aammalu suliffimmi iluarisimaarinninneq pitsanngoriaateqarnissaa-

nut suliniutit tigussaasut aallaavigalugit sulinngitsoortarneq qanoq annikillisarneqarsinnaa-

neranut Suliffigissaaneq pillugu siunnersuisooqatigiit oqaaseqaatiliornissaa anguniarlugu

Naalakkersuisut peqqusinissaat pillugu Inatsisartut aalajangiiffigisassaattut siunnersuut.

Oqaaseqaat suliniutit qanoq ataqatigiissaarneqassanersut atuutsinneqalissanersullu siun-

nersuutinik tunniussissaaq.

(Inatsisartunut Ilaasortaq Anna Wangenheim, Demokraatit)

Kalaallit Nunaanni sullivimmi avatangiisinut inatsisip allaanngortinneqarnissaannut saqqummiun-

neqartoq ataatsimut isigalugu ulluinnarni inuunermut sulliviit eqqarsaatigalugit sunniuteqartorujus-

suummat malunnarpoq piffissaqarnerunissaq pisariaqaraluartoq.

Inatsisissaq sammineqartoq allannguutissai ilanngullugit pappiararpassuarnik tunngaveqarpoq

neriuppunga paasissutissat tamatta isummersornissamut annertuut pissarsiarisimassagigut.

L 52 - 2022-23 (2. samling) - Bilag 2: Dokumenter vedr. Inatsisartuts behandling af lovforslaget

Taamatut oqarnitsinnut tunngavigaarput avatangiisinut inatsisip allanngortinneqarnissaanut atuagas-

sarpassuit, qularinngikkaluarpara tamatta naallugu atuarsimassagipput. Kisiannili taamaattoqarsima-

nissaa ilimaginngilara immaqaluunnit ilaasa quppersimanavianngilaat. Toqqaannartumik

inatsisartut ilaasortat taamatut nalilersunngilakka. Kisiannili ataatsimiittarnerput taamak tuaviortigi-

sumik ingerlanneqartartillugu pitssutsit pitsaanerulernavianngillat. Taamatut pissuseqarluni inatsi-

siliorniartarnerit allanngortittariaqarpagut tupinnanngitsumimmi qarsupitagut annertusaqaat

angummassinnaaneq ajoratta tamaasa atuassallugit.

Sulisut illersorluarneqassappata taamaallat piffissap sulinerup iluinnaani ingerlanneqartassappat

tulluanngilaq, tamannalu allanngortitassat ilagaat, tassalu suleqatigiinnermi atukkat aallaavigalugit

suliffiup avataani aamma sulisut illersorneqartarnissaat. Assersuutigalugu suliffik pillugu

nakuusertoqarsimappat taamaliornikkut sulisut annertuumik toqqissisimajunnaartarput isumannaat-

sumillu inatsisitigut illersugaanissaat pinngitsoorneqarsinnaajunnaartarput taamaattumik Suliffeqar-

nermut ministeri malittarisassaliorsinnaanera atuutilersinneqarnissaa pissusissamisoortoq oqaatigis-

savarput.

Aammalu Sullivinnik nakkutiliisoqarfiup sulisunik eqimmattanik oqaloqateqarsinnaanngussaaq su-

lisitsisumik akuerineqanngikkaluarluni tamannalu iluarisimaarnarpoq tassami sulisoq ernu-

mateqarani sulinermi ajornartorsiutinik nalaanneqarsimasunik saqqummiussaqarsinnaanngussam-

mat.

Malunnarpoq amerlasuutigut aaqqitassaqartartoq taamaattumik sullivimmi avataangiisit pillugit

eqaannerusumik malittarisassiorsinnaaneq anguneqassalluni tamannalu soorunami iluarisimaarnar-

poq.

Amerlasuutigut tusartuarparput nunatsinni sanaartorfinni assigisaanilu ilaatigut ajutoornerit aam-

malu ajuusaarnartumik toqumik kinguneqarsinnaasartut tusartarpagut. Sapinngisarput tamaat pissut-

sit tamakku pinngitsoortinniartussaavagut suliffimmut attumassuteqanngikkaluaruttaluunniit

apuuttartigit tassami amerlavallaqaat sullivinni mianersualliornikkut ajortoortarnerit.

Kiisalu nunatsinni sullivimmi avatangiisit pillugit unioqqutitsinermi akiliisitsisarnerup qaffanneqar-

nissaa iluarisimaarlugu oqaatigissavarput. Pissutsimmi ilungersunartut tamakku ilaatigut ajutoorner-

mik pinngitsoortitsisinnaagaluartut uniorpallaarunanngilaq ilaatigut malinneqanngitsoortarneri.

L 52 - 2022-23 (2. samling) - Bilag 2: Dokumenter vedr. Inatsisartuts behandling af lovforslaget

Inatsisartuni sulinerput pitsaanerulersittariaqarparput oqaluuserisassat inatsisiliornerillu tamarmik

pitsaanerusumik suliarineqartalissappata tamanna pinngitsoorsinnaanngilarput. Tassami qupperner-

passuarnik imalinnik oqaluuserisassaqartarnerit sukumiinerusumik suliarineqartassappata ataatsi-

miittarnerit ataavartunngortittariaqartut oqaatigerusupparput, naammagittaalliutaanngilaq

pitsaanerusumillu sulinissatsinnut piumasaqaatitut isigeqquarput.

Taavalu Anna Wangenheim Demokraatit siunnersuutaa oqaaseqarfigissavarput. Uggornaq siun-

nersuut soqutiginartoq nunatsinni napparsimaneq pillugu allatigullu sulinngitsoortarneq anner-

tuujusoq oqatigineqartarpoq tamannalu ilumoortuusoq uagut aamma naqissuserusupparput sunali-

una pissutaasoq napparsimanerit allallu sulinngitsoornerit taamak amerlasartiginerannut.

Nunatsinni ulluinnarni atukkagut aamma qiviarnissaat pingaartorujussuuvoq eqqarsaatigissallugu

inuimmi atugaat assigiinngitsorujussuupput pingaartumik ulluinnarni inuuniarnermi atugassarititaa-

sut eqqarsaatigalugit, tassami inuuniarnikkut atukkagut aallaavigalugit amerlasoorpassuartigut inuu-

nerput sunnerneqartarmat allaat amerlasuut inuuniarnikkut angummaniapiloortarnertik napparsi-

massutigisarlugu.

Tamattami nalunngilarput inuit aningaasarsiornikkut ingerlallualeraangamik nuannaarnerulerlutillu

nukissaqarnerulertartut tamannalu ilaqutariit ingerlalluarnerulernerannik kinguneqartartut

nalunngivipparput.

Ukiuni makkunani inuuniarnikkut atukkagut assigiinngeqaat pissakinnerusut pissaqarnerusullu qivi-

araanni ulluinnarni inuunermi atukkagut assigiinngissutaat annertusiartuinnarpoq soorunami

tamanna aamma sunniuteqarpoq inuuniarnikkut artorsanerit ernumanerit pissutigalugit napparsima-

nerit pilersinneqartarput pissutsillu tamakku ilanngullugit eqqartortariaqalerpagut.

Assersuutigalugu nunaqarfinni suliffiit qiviaraanni sipaarniarnerit pissutigalugit sulinerit sivikil-

lisarneqartarput tamannalu sulisartunut assut ajornartorsiornermik kinguneqartarput allaat suliartor-

nissaq kajumminnarunnaarluni tamakkulu inuup artorsarneranik kinguneqartarput allaat sulineq im-

minut akilersinnaajunnaartutut ittarpoq ulluinnarni inuuniarnikkut atukkat sulinikkut namman-

neqarsinnaajunnaartarlutik tassami suligaluarlutik akiligassat nammassinnaajunnaartarpaat amer-

lasuullu toqqaasariaqartarput sulineq imminut akilersinnaajunnaaraangat pisortanik ikiorsiissutinut

saattariaqartarput ilaqutariit akiligassaminnut matusissutissanik pissarsisinnaajumallutik.

L 52 - 2022-23 (2. samling) - Bilag 2: Dokumenter vedr. Inatsisartuts behandling af lovforslaget

Naalakkersuisut siunnersuuteqartumut akissutaat assut pikkunaatsoornarpoq siunnerfinnik ersarissu-

mik qanoq iliortoqarsinnaaneranik sulisartut allallu sulinngitsoortarnerit pitsaanerusumik ikilisar-

lugit angusaqarnissamik annerusumik tikkuussaqanngimmata.

Nunatsinni sulisinnaasut tamaasa atorfissaqartippagut tamannalu timitalerneqassappat inuit

sulisinnaasut qaammarsaaffigisariaqarput. Assersuutigalugu suliffigissaasut innuttaasunut

qaammarsaanerusariaqarput amerlasuujulluta nalugunarparput suliffigissaasut qanoq

attavigineqarsinnaanersut aammalu paasissutissiisarnerat sukkut malinnaavigissallugu.

Assersuutigalugu sulinermi piffissaq qasuersaarfiusussaq qanoq sulisartunut qaammarsaassutigi-

neqarpat? Peqqinnaartunik avatangiiseqarneq sulisorpassuarnut eqquutsinneqarneq ajorpoq. As-

sersuutigalugu nunaqarfinni eqqaavilerinermik suliallit atugaat akuersaarneqarsinnaanngitsut suliffi-

gissaasunik ilisimaneqarnerpat? Qiteqqutarfeqanngitsut uffarfissaqanngitsut akissarsiat minnerpaar-

taanik akissarsialersukkat suliffigissaasut qaqugu takussavagut sullivinnik pitsaanerulersitsiniartus-

sat angalaarnerusariaqarput pingaartumik peqqinnartumik avatangiiseqarnissaat eqqarsaatigalugu.

Nunaqarfiit ataatsimeersuarneranni assorujussuaq eqqaaveqarnikkut ajornartorsiutit eqqartorneqar-

put. Atortorisat amigaataasut assartuinerit assartukkallu amerlasuutigut oqimaakkaluartut kivittaari-

nerit assartuinerillu inuup nukinga atorlugu ingerlanneqartarlutik ilaatigullu aamma timi innarler-

neqarluni aamma anartarfinnik eqqaanermi atugassarititaasut ajorluinnartut taamakkaaluartoq

massakkumut suli qanoq iliuuseqarnissamik tikkuussisoqanngilaq qanoq aaqqiiniartoqassanersoq.

Taamaattumik suliffigissaasut taaguutaannarmik atussanngikkunik Nuup avataani illoqarfiit

nunaqarfillu ornittariaqarpaat amerlasuutigut illersorneqarsinnaanngitsumik suliiffeqarfiit

amerlasuut sulisuminnut atugassaqartitsisarmata.

Naalakkersuisut siunnerfinnik sunik tikkuussiniarnersut uani takusinnaanngilarput taamaallaammi

innersuummassuk suliffigissaaneq pillugu siunnersuisoqatigiit piumaffigalugit sulinngitsoortarnerit

qanoq annikkilisinneqarsinnaanersut piumaffigissallugit. Taamaattumik kaammattuutigeqqissa-

varput paasisitsiniaaneq annertussaqqullugu Naalakkersuisut suliaralugu aallartissagaat.