26. april 2022
UPA 2022/19
Kalaallit Nunaanni eqqartuussisarnermik inatsisip aamma naalagaaffimmi tjenestemandit Kalaallit
Nunaanniittut pillugit inatsisip allanngortinneqarnissaannik inatsisissatut siunnersuummut
missingiutip (Pinerluttulerinermi eqqartuussisarnermi digitalimik attaveqaatinik atuineq, suliassat
nassuernertut suliarineqartut, najuutinngitsoornermi eqqartuussutit, eqqartuussisut aamma
najukkami eqqartuussisut tunuartussaatitaanerannut ukioritinneqartut il.il.) Namminersorlutik
Oqartussanit akuersissutigineqarnissaa pillugu Inatsisartut aalajangiiffigisassaattut siunnersuut.
(Aningaasaqarnermut, Aatsitassanut, Inatsisit Atuutsinneqarnerannut Naligiissitaanermullu
Naalakkersuisoq)
Siumup isumaa naappertorlugu inuiaat inatsisitigut illersugaanerisa qulakkeersimajuarnissaa
pingaaruteqarluinnartuuvoq.
Taamaammat
Siumut
eqqartuussiveqarnerup
iluani
pitsanngorsaanissanut eqaallisaanissanullu peqataassaaq, taamaaliornikkummi innuttaasut inatsisitigut
illersugaaffeqarnerunissaannik sulineq naqissuserneqartussaammat.
Ilisimasatsituut Inatsisinik atuutsitsinermut oqartussaaffik Naalagaaffiup ataani suli inissisimavoq,
taamaattumillu suliassanut taakkununnga tunngatillugu allannguinissanik imaluunniit ullutsinnut
naleqqussaanissanik
siunertaqartoqartillugu
Naalagaaffeqatigiinnermi
Oqartussaasut
saaffigineqartarput suliakkerneqartarlutillu.
Aalajangiiffigisassatullu siunnersuummut matumunnga tunngatillugu taamatuttaaq iliortoqarpoq,
tassami siunnersuummi matumani anguniarneqartut qinigaaffiup siulianili aallartisarneqarnikuupput,
ilaatigut
Kalaallit
Nunaanni
Eqqartuussiveqarneq
pillugu
Siunnersuisoqatigiit
innersuussuteqartarsimanerisa kingunerisaannik.
Naalakkersuisut matumani Eqqartuussisarnermik inatsimmi arlalinnik allannguuteqartitsinissaq
eqaallisaassuteqarnissarlu pillugit saqqummiussaanni qaqilerneqartut Siumumiit iluarisimaarpagut,
taamaalillunimi pinerluttulerinermi suliat ingerlasarnerisa naammassiuminarsarneqarnissaat
qulakkeerniarneqarmat. Misilittakkammi amerlasuutigut aamma takutittarpaat pinerluttulerinermi
inatsimmi unioqqutitsinerpassuit ilaatigut suliassatut annertoorsuartut taaneqarsinnaanngikkaluit allaat
sivisoorsuarmik ingerlasinnaasartut, tamannalu illuatungeriinnut, tassalu pinerlineqartumut
pinerliisumullu
pilertornerusumik
pitsaanerusumillu
atugassaqartitsinissaagaluanut
kingunerlussinnaasarluni.
Misilittakkattaaq aamma takutittarpaat pinerluuteqarsimasunut suliat eqqarsaatigalugit suliat
kinguarsarneqarsinnaasartut unnerluunneqartup suliap inaarsarnerani takkutinngitsoornera
takkussinnaajunnaarneraluunniit
pissutigalugit,
naak
piumasaqaatit
assigiinngitsut
naammassineqareersimagaluartut.
Tamanna
piumasaqaatitalimmik
piumasaqaatinillu
atortikkuminartunik toqqammaveqarnikkut eqqartuussiviit suliamik naammassinnissinnaalernissaat
anguniarneqarmat Siumumiit iluarisimaarparput. Tamannalu periuseq inuinnaat saqitsaanneranni
sulianut atugaasoq ajunngitsumik misilittagaqarfigineqartoq eqqarsaatigalugu Siumumiit immikkut
taasaqarfigissallugu naleqquttutut isigaarput.
1