11. oktober 2022
UKA 2022/119
Kalaallit Nunaanni pinerluttulerinermi inatsisip allanngortinneqarnissaanut inatsimmut missingiutip
(akuersissuteqaqqaarnissamik tunngavilimmik
pinngitsaaliilluni atoqatiginninneq pillugu
aalajangersagaq) Kalaallit Nunaanni Namminersorlutik Oqartussanit akuersissuteqarnissaa pillugu
Inatsisartut aalajangiiffigisassaattut siunnersuut.
(Aatsitassanut Inatsisillu Atuutsinneqarnerannut Naalakkersuisoq)
Siumup pingaartilluinnarpaa inuiaat inatsisitigut illersugaanerisa qulakkeersimajuarnissaa.
Taamaattumik
Siumup
eqqartuussiveqarnerup
aammalu
pinerluttaalisitsinerup
pitsanngorsartuarnissaanut nukittorsartuarnissaanullu peqataassaaq peqataajuassallunilu.
Nunatsinni
kinguaassiuutitigut
peqquserluuteqartarnerit
amerlasoorujussuunnerannut
oqariartuutaasartut misissuinerit assigiinngitsut takutittaraat Siumumi ajuusaarnartutut
isumaqarfigaarput. Taakkualu peqquserluuteqartarnerit ajoraluartumik takutittarpaat meerannguaniit
utoqqarnut kinguaassiuutitigut peqquserluttarnerit pisartut
–
tamannalu annernarluinnaqqissaarpoq,
taamaammallu
ajornartorsiutip
millisaaviginissaanut,
ajornanngippallu
nungutinnissaanut
inuiaqatigiittut iliuuseqartuartariaqartugut Siumumi isumaqarluta.
Ukiorpassuanngortuni pinaveersaartitsineq annertooq inuiaqatigiinni ingerlassimagaluarlutigu
kinguaassiuutitigut
peqquserluuteqartarnerit
ataatsimut
katikkaanni
malunnaatilimmik
appariaateqarneq ajornerat assorsuaq uggornartuuvoq, akiuiniarnermimi inuppassuit nukippassuillu
atorneqartarput ilaatigut soorunami iluatsitsiffiusartumik. Pinaveersaartitsinernilu taakkunani
nikallujaallutik suliaqartut suliaqartarsimasullu Siumumiit aammaarluta qamannga pisumik
qutsavigiumavagut.
Qujanaqisumik kinguaassiuutitigut peqquserluuteqartarnerit akiorniarneranni ukiuni kingullerni
annertuutigut
suliaqartoqartuarpoq,
akiuiniarnermilu
ukkatarinninnerup
suli
nukittorsarneqartuarnissaa pingaaruteqartutut Siumumi isumaqarfigaarput, kinguaassiuutitigummi
innarliisarnerit malunnaatilimmik appariaateqarnissaat angutserlugu suliaqartuartariaqaratta.
Pinerluttulerinermi inatsisip ilusilerneqarnermigut pitsaasutut Siumumiit isumaqarfiginaraluartoq,
siunnersuummi matumani anguniarneqartut eqqarsaatigalugit pinerlineqartartut aammalumi
pinerlineqarsinnaasut ullumikkornit suli inatsisitigut illersorneqarnerunissaat anguneqarsinnaammat
Siumumiit toqqissisimanarnerusutut isumaqarfigaarput.
Maannamut pinngitsaaliilluni atoqateqartarnermut inatsisitigut aalajangersarneqarsimasut
tassaanerupput
timimik
akiuusinnaajunnaartitsilluni
pinngitsaaliinerit,
siorasaarinermik
assigisaannilluunniit sakkoqarluni pinngitsaaliinerit, ukiukitsunik pinngitaaliinerit, inummik
akiuusinnaassuseqanngitsumik aammalu imminut illersorsinnaassuseqanngitsumik pinngitsaaliinerit
ilaalu ilanngullugit.
Siunnersuutilli massumap pinerlineqarsinnaasut allat suli inatsisitigut illersornerusinnaagai
naatsorsuutigineqarsinnaasoq Siumumi isumaqarpugut, tassami siunnersuutip massumap
atuutilersinneratigut kinguaassiuutitigut iliuuseqarnerni tamani illuatungeriit tamarmik kissaataannik
tunngaveqarnissap ersersinnissaa pingaaruteqarluinnarpq. Tassalu illuatungeriit nammineq