UKA 2022.- 18
11. Oktobari 2022
Agathe Fontain
Ruslandimut Belarusimullu killilersuutaasunik suliniuteqarnissat
naammassineqarnissaat pillugit Kalaallit Nunaannut inatsisissamut
siunnersuutip atuutsinneqalernissaa pillugu Inatsisartut
aalajangiiffigisassaattut siunnersuut
(Naalakkersuisut Siulittaasuat)
Upernaakkut 2022-mi ataatsimiinermi akuerineqareernikoq,tunngavigalugu
Naalakkersuisut saqqummiussaannut qujavugut.
Suliassaqarfinni Kalaallit Nunaannit tiguneqarsimanngitsuni, pillaatitut
iliuusissat pillugit peqqussutit atulersinneqarnissaat pillugit
inuussutissarsiornermut ministerip, inuussutissanut, nunalerinermut
aalisarnermullu ministerip kiisalu assartuinermut ministerip
nalunaarusiornikkut malittarisassanik aalajangersaanissaannut
piginnaatinneqarnissaat inatsimmi siunertarineqarpoq. Aammattaaq sakkut
pillugit suliassaqarfimmi EU-mit, FN-imit imaluunniit nunat tamat akornanni
suliffeqarfinnit aalajangerneqartunik, Ruslandimut Belarusimullu
iliuusereriikkanut kinguneqartitsinerit naammassineqarnissaannut,
inatsiseqarnermut ministeri piginnaatinneqarpoq. Iliuusereriikkanut
kinguneqartitsinerit Ukrainimi pissutsit massakkut pisut tunngavigalugit
aalajangersarneqarsimasut iluanni, piginnaatitsineq killilerneqassaaq.