Inatsisartut
Att: Ataatsimiititaliani siulittaasut
Ataatsimiitsitaliat llaffeqarfiat
Christiansborg
DK-1240 København K
Tlf. +45 33 37 55 00
Fax +45 33 89 55 14
www.ft.dk
Inuugujut Inatsisartut ataatsimiititaliaanni siulittaasut
3. November 2020
Folketingip Kalaallit Nunaat pillugu ataatsimiititaliaani ilaasortat
oqaloqatigereerlugit aalajangerparput, maannakkumiit nunatsinniit poli-
tikkerit annertunerujussuarmik peqataatinneqartalissasut Danmarkip
nunatsinnut oqartussaaffigisaanik ataatsimiititaliami sammisaqartilluta.
Tamanna pillugu neriuppugut Inatsisartuni Ataatsimiititalianut atta-
veqaqatigiinneq annertusarsinnaagipput.
Issittoq pillugu Periusissamik suliaqarnermi Inatsisartuni ilaasortat
peqataatinneqarnerunissaat pissusissamisoortutut isigaarput Kalaallit
Nunaat pillugu ataatsimiitsitaliaani. Qularnanngilarmi inuit issittumi inu-
usut Issittoq pillugu periusissamut pitsaanerpaamik paasisimasaqarfi-
ginnittut ilisimasaqarfiginnittullu.
Tamanna pillugu Nunanut Allanut Sillimaniarnermullu Ataatsimiititaliaq
kisimi peqataatinneqassanngitsoq isumaqarpugut. Kalaallit Nunaat pil-
lugu ataatsimiititaliami pingaartikkatsigu avitseqatigiinnissaq sammisa-
nut arlaliusunut. Soorlu aamma inatsisartoqarnikkut attavigeqatigiinneq
nunat tamalaat akornani nakussassartariaqarsorigipput, peqataatitsi-
nikkut oqaloqatigiinnikkullu. Taamaammat kissaatigaarput annertune-
rusumik Inatsisartuni ataatsimiititalianik attuumassuteqartunik
peqataatitsineq pilersinneqassasoq.
Neriuppugut ataatsimiititaliassinniit soqutigineqassasoq ataatsimoor-
luta aaqqissuukkutsigu Inatsisartuni ataatsimiititaliat assigiinngitsut Fol-
ketingimilu Kalaallit Nunaat pillugu ataatsimiititaliami suleqatigiinneq
peqataatinneqarnerlu annertunerusoq pilersikkutsigu, samminerullugit
Danmarkip nunatsinnut suli oqartussaaffigisaat.
Maanna covid-19-mut pissutsit atuuttut tunngavigalugit taamatut ata-
atsimiinneq pisinnaavoq qarasaasiaq atorlugu, tassani siun-
nersuutigisinnaavarput Microsoft Teams imaluunnit oqarasuaat ator-
lugu ataatsimeeqatigiissinnaasugut. Sammisassat aalajangersimasut
oqaloqatigiissutigerusutagut sioqqullugu isumaqatigiissutigisinnaa-
vagut.
Ilissinnit tusarnissara qilanaaraara.
Inussiarnersumik inuulluaqqusillunga
Aki-Matilda Høegh-Dam
Grønlandsudvalgimut Siulittaasoq
Attavigisassaq
Jesper Thinghuus
Oqarasuaat:
+45 33 37 55 14
1/1