L 192 - 2019-20 - Bilag 1: Ordførerindlæg og udvalgsbetænkning fra Inatsisartuts behandling af et forslag til inatsisartutlov fra naalakkersuisut om ændring af Grønlands epidemilov, som har en sammenhæng med lovforslag L192.

Grønlandsudvalget 2019-20
L 192 Bilag 1
Offentligt

Nuuk 1. April 2020

UPA2020/18

Pele Broberg Partii Naleraq

Uunga siunnersuut: Nappaatit tunillaassortut akiorniarlugit iliuutsit pillugit Inatsisartut

peqqussutaata allanngortinneqarnera pillugu Inatsisartut inatsisissaat nr. xx, xx. xxxxx 2020-

imeersoq (Tunillaassuinerup pinaveersaartinniarnerani siaruarnaveersaartinniarneranilu

aamma sullissiniarnermi pisariaqartitat il.il. qulakkeerniarneranni

iliuuseqartoqarsinnaanermut annertusiineq)

(Isumaginninnermut Inatsisinillu Atuutsitsinermut Naalakkersuisoq)

Partii Naleraq sinnerlugu Naalakkersuisut Inatsisartunilu partiit suleqatigut qutsaviginiarpakka,

maanna periarfissinneqaratta Covid-19 akiorniarlugu suleqatigiinnitsinni alloriaqqinnissatsinnut.

Taamaattoq eqqaanngitsoorusunngilara Kalaallit nunaani, Danmarkip Naalagaaffeqatigiiffiani

minnerunngitsumillu nunarsuarmioqatigut nualluummik eqqugaasut, sualummik qanigisaminnik

annaasaqartut misiginneqatigigatsigit.

Innuttaasut nunarsuarmioqatigut malinnaaffigalugit ernumasut, neriuullutik ullut nuannersut

uteqqinnissaat qanigisatik ilageqqissinnaalerlugit misigissusaat paasisinnaaqaagut.

Qularutissaanngilaq meerarpassuit aanaa/aataa aamma aanaajaa/aataajaa ulluni makkunani

maqaasigaat. Ilaquttagut, qanigisagut ikinngutigut nalinngasagut aammalu nunami maani inoqatigut

coronamik arlaatigut sakkortuumik eqqugaasinnaasut eqqarsaatitsinniittuarput. Inuiaqatigiittulli

maannakkuugallartoq nukittusariaqarpugut ataatsimooqatigiittariaqarlutalu

Ataqatigiinnerput ersersittariaqarpoq timikkut arlaatigut peqquteqarlutik sanngiinnerusortagut

illersortariaqarpagut, taamaatullu oqareerluta oqaatigerusunnarpoq nualluut partiilersortuunngilaq,

ammit qalipaataanik immikkoortitsisuunngilaq, qanoq upperisaqarnerminngilaq aammalu

pisoorsuuneq pissakinnerusorluunniit immiikkoortitanngilaa, taamaammat

kinannguugaluarpalluunniit apeqqusersuinngilluinnarluta kikkut tamarmik maani nunap inui

nualluummik tunillatsinnissaat pinngitsoorniarlugu periutsit atorneqarsinnaasut tamaasa atorlugit

ataatsimoortariaqarpugut.

Politikkikkut akisussaassuseqartumik peqataanissarput pingaartitarilluinnarparput, taamaammalu

nunap inuisa pitsaanerpaamik kiffartuunneqarlutik sullinneqarnissaat malinnaatinneqartuarnissaallu

pingaartitarilluinnarparput sapinngisarpullu naapertorlugu maniguulluta peqataagatta

oqaatigissavarput. Piumasaqaatigut tamaasa angusanngikkaluarlutigit nunap inui aallaavigalugit

sulinissamut pitsaanerpaamik anguniaqarluta sulinitsinni peqataanerput ingerlatseqqissavarput,

tamanna qularutigineqassanngilaq.

Inuit ataatsimoorluta katersuusimaartarsinnaanerput maannakkut killilersimaartinneqartoq

ataatsimoorfigaarput, tamannali qaangiuteqqikkumaarpoq.

Ataatsimoorluta katerisimaaqqittalernissarput qilanaaraarput aammalu nunap inui nerioqatigaagut

qanigisanik ikinngutinik, nalunngisanik taamatullu nunaqqatitsinnik

annaasaqannginnerpaaffiusumik aqqusaagaqarsimalluta ataasimooqqilernissarput qilanaaralugu

neriuuteqarfigaarput.

Neriuuteqarneq naammanngilarli, kaammaattuutaasut aammalu eqqarsaqqissaarluta

pilersaarusiorluakkamillu periuseqarluta pissusilersornitsigut qularutiginngilluinnarparput

annaasaqarsinnaanerput annikinnerpaaffiminiinnissaa qulakkeersinnaagipput.

1/7

L 192 - 2019-20 - Bilag 1: Ordførerindlæg og udvalgsbetænkning fra Inatsisartuts behandling af et forslag til inatsisartutlov fra naalakkersuisut om ændring af Grønlands epidemilov, som har en sammenhæng med lovforslag L192.

Nuuk 1. April 2020

UPA2020/18

Pele Broberg Partii Naleraq

Nunap inui, tamatta tamanna ataatsimoorfigitigu, takutitsigu tamatta imminut paarisinnaalluta

suleqatigiissinnaalluta, ataatsimoorsinnaanerput upperaarput, imminut oqarfigisa sapinngilagut.

Angerlarsimasa katersuunnata piffissami tulliuttumi, taamaasillutalu tuniluunnissaagaluaq

pinaveersaartitsigu taamatullu annikinnerpaaffiminiititsigu.annikillisartigu. Taamaasiornikkut

takutillugu tapersersorlutigit ulloq unnuarlu inuppassuit qasusuillutik sulisut corona akiorniarlugu.

Taakku qasusuillutikqasujaallutik sulisut, uagut ernumassutigisagut taamatullu ernumassutissagut

annikillisarniarlugit ilungersuuteqartut, annertuumik Partii Naleqqamiit aamma qutsaviginiarpavut.

Taamatut Partii naleqqamiit aallarniutaasumik oqaaseqareerluta oqaluuserisassamut tunngatillugu

imatut oqaaseqaateqassaagut

Naalakkersuisut suligasuarnikkut piffissaq sivikitsuinnaq atorlugu suliaq Inatsisartut

aaliangiiffisassaattut saqqummiussaat piffissaq sivikitsuinnaq atorlugu nalilersuinissaanut

periarfissaqartinneqarluartugut qujarusuppugut periarfissinneqaratta immersueqataanissatsinnut.

Nualluussuup kingunerisaanik qanoq iliuuseqarniarnerit aammalu inatsisissanik siunnersuutit

qallunaat nunaanniit assiliinnavillugit nunatsinnut eqqunneqaannarsinnaanngillat,

naluneqanngitsutummi pissutsit maani Kalaallit Nunatsinni Qallunaat Nunaannilu assigiinngeqaat.

Taamaammat inatsisissaq Qallunaat Nunaanniit aallaveqartoq kopiiginnarlugu nunatsinnut

atuutilersinneqarnissaanut naatsorsuutigineqarunanngimmat nuannaarutigaarput. Maannamut

suliluunniit inersuarmut apuutinngitsoq allanngoqqusatta ilaat allanngoreernerat nuannaarutigaarput

Partii Naleqqamiit, sulili suliassaqaqaagut.

Nuannaarutigaarput Partii Naleqqami aaliangiiffissatut siunnersuutigisimasarput, tassa pisortat

suliffeqarfiutaat tamakkiisumik pigisaat A/S-iujunnarlugit SOV-nngortinneqarnissaanut

assigusumik siunnersuuteqarmata, taamaasiornikkut A/S-it Naalakkersuisut toqqaannaq

susassaqarfigilerlugit piumasaqarfigisinnaanngussammatsigit inuiaqatigiinnut

pisussaaffeqaqataanissaat.

Tamannalu pisariinnersumik aammalu pitsaasumik siunertaqartumik siunneqarfiginissaa

anguniarlugu Partii Naleqqamiit imaattumik allannguutissatut siunnersuuteqafigissaavarput,

§2a imarisaa allanngornissaa:

”pisortat

tamakkiisumik pigisaat aaqqissugaanerat allanngoqquneqassasut SOV selskabitut

ingerlalerlutik”.

Allannguutissatut siunnersuut tamanna tunngaveqarpoq inuiaqatigiittut pigisavut suliffeqarfiit

takusinnagatsigit nunap inuinut ulluinnarsiutaanut oqilisaaqataasinnaanerat. Periuserlu taanna

inuiaqatigiinnut nunap inuinullu iluaqutaanerungaartussaq ataavartunngornissaa taamaasilluta

siunnersuutigaarput nualluussuup tunillaasortoq qaangiutereeraluarpat ingerlaqqiinnartussamik

Partii Naleqqami namminersortut namminiussuseqarnerat aamma pingaartikkatsigu, Danmarkimi

immaqa atorneqarluarsinnaasoq tassa §2a stk 2, maani nunatsinni pissusissamisoorsorinngilarput

ilaanissaa, taamaammallu peernissaa allannguutissatut siunnersuutigalugu sakkortuumik

innersuussutigaarput.

2/7

Nuuk 1. April 2020

UPA2020/18

Pele Broberg Partii Naleraq

Danmarkimi nakorsaatinik sanasartut assigisaallu uani atorluarneqarsinnaanerat takorloorparput,

nunatsinnili namminersortunut toqqissisimananngitsumik inissiisoqarsinnaanera aarleralutigu.

Aammattaaq paasinarluni §5 siunnersuutigineqartoq, naatsumik oqaasertalerusuppara.

Singaporimi periuseq ilaarlugu, nunatsinnut tulluussarlugu orniginarpoq. Napparsimasut

angerlarsimatinnagit, napparsimaveqarfimmiitittarnissaat orniginartuuvoq. Tamannali

peqqussutaasariaqanngilaq, naliginnaasumik peqqinnissaqarfipput nunap inui katsorsarnissaanut

nukissaqartuaannarpata. Aamma tunillaasuisoqartinnagu.

Kiffaanngissuseq imaluunniit tunillaassuinermut akiuiniarneq. Taamatut

qulequtserneqarsinnaarpasippoq §6 imarisaa. Qujanartumilli Partii Naleqqamiit ersarissumik

akerliuffigisarput, tassa §6 stk 2 atorlugu inuit angerlarsimaffiinut eqqartuussiviit

akuersiseqqaarnagit Naalakkersuisut aalajangersaarusunnerat tunuarterneqarfigivoq siunertaa. Sulili

Partii Naleqqamiit amigaatigaarput tamakkiisumik §6 stk 2 peerneqarnissaa, taamatullu

allannguutissatut maanna siunnersuutigalugu.

Qanormi nukingernartigigami allaat eqqartuussiviit attaviginissaanut piffissaqannginnissaq. Ulloq

unnuarlu qularinngilara tamakku aamma sulisartut taama immikkuullaritsigisumik pisoqartillugu.

Taamatuttaaq §7 apeqquteqarusuffigaarput §5 eqqartukkatsinnut ilaannginnersoq, taamatuttaaq

qanoq nalilerneqassanersoq §7 stk 3 sivisussusaanut aaliangerneqarneranut.

Partii Naleqqamiit maluginiarparput sanngiittortagut utoqqartagullu annerusumik ulluni makkunani

peqquteqavissortumik tunillatsinnissaminnut ernumassuteqartut. Taakkuupput aamma ilanngullugit

illersugassagut, ilarpassuartigullu inuiaqatigiitsinnut pilliuteqangaatsiarsimasut.

Taamaammat akuerisinnaanngilarput taakku pilliutigalugit §8 stk 2 pinngitsaalissummik

ilaasoqarnera. Tassami sanngiitsortagut, utoqqartagut taakkuunerunngillat angalallutik

tuniluunnermik nunatsinnukaassisisuusut. Peqqissunuku, inuusuttut, ullumikkut

nunarsuarmioqataanerput ilutigalugu nunarsuarmi tuniluunnermik aamma peqataasut. Soorlu

Danmarkimiit Østrigimut sisorariareerlutik corona nassaraat. Taamaammat sanngiitsortavut

utoqqartagullu ataqqillugit sakkortuumik innersuussutigissavarput §8 stk 2 peerneqarnisoq.

Naalakkersuisuniit paasisaqarfiginerorusutavut tassaapput §12d, §12e aammalu §27. Nunatsinnut

tulluarsarneqarnerani suut eqaarsaataasimappat assersuutitut atorneqarnissaanut.

Minnerunngitsumik paaserusupparput sooq §27 pisariaqarnersoq, qanoq Naalakkersuisut

takorluugaqarnersut.

Taamatuttaaq sooq maanna §28 atorunnaarisnneqarniarnersoq Naalakkersuisuniit

paaserusunnarpoq. Suunuku ullumikkut aporfigineqartut tuaviisaartumik peerniarneranut.

Ullumikkut takutipparput Inatsisartuni sulineq aamma ingerlanneqarsinnaasoq, naak angallanneq

uninngagaluartoq. Pissutsit immikkuullarissut Inatsisartuni sulinitsinnut imaannaanngitsumik

inissisimagaluartut.

Parti Naleqqamiit nuannaarutigaarput nunap inuisa qinigaat katersuutinneqarmata

imaannaanngitsumik killeqarfinnitsinni inatsisiliortussanngorlugit Naalakkersuisut

suleriaqqinnissaminnut toqqammavissaanut aaliangersaasussanngorlugit.

3/7

Nuuk 1. April 2020

UPA2020/18

Pele Broberg Partii Naleraq

Partii Naleqqamiit pingaartipparput ilungersunarluinnartumik inissisimanitsinni inuit qinigaat

Inatsisartut ataavartumik piareersimallutik sulisinnaasariaqartut innuttaasut qanimut sullinnissaanik

aallaaveqartumik, ataavartumik qinikkat nalilersuinermut iliuusissanullu nalilersueqataasariaqarput

akisussaassuseqartumik inissisimallutik.

Akisussaaffik tamaat atorfiliittanut naalakkersuinullu tunniutiinnarsinnaanngilarput

Taamanna toqqammavigalugu pisariaqarsorinngilarput §2 stk 2 ilaanissaa,

kaammattuutigerusupparput peerneqassasoq, pissaanerup pingasoqiusanngorlugu

aggulunneqarsimanera innersuussutigalutigu taamatut kaammattuuteqarpugut.

Nunap inuisa qinigaat, taakkuupput inatsisiliortussat, suliniarlik sulinissaminnut piareersimaniarlik

ingammik maannakkut ilungersunartumik inissisimanitsinni.

Peqqinnissaqarfimmi sulisut, politiit allallu inuiaqatigiinni pingaaruteqartumik

pinngitsoorsinnaangisatsinnik sulisut piareersimatinneqarsinnaasut sooq nunatta qinigai

piareersimasinnaassanngillat sulinissaminnut inatsiliornissaminnullu. Akisussaaffik tamaat

atorfilittanut Naalakkersuisunullu tunniutiinnarneqarnissaa Partii Naleqqamiit apeqquserparput

demokratiip aqqani, nunap inuisa qinigaat taakkuusariaqarmata nunatta ingerlanneqarnerani

inatsisiliorneqarneranillu aallaaveqartut, takutereerparput qanoq suleqatigiilluta

angusaqapallassinnaasugut oqaloqatigiilluarneq naaperiaanerlu aqqutigalugu. Taamatut

toqqammavilersuuteqqarluta siunnersuutigerusupparput innersuussutigalugulu §2 stk

peerneqarnissaa.

Ullumikkut arlaannaataluunniit oqaatigisinnaanngilaa coronamik tunillaassuineq

nunarsuarmioqatitsinni aammalumi nunatsinni qaqugu qaangiutissanersoq, taamatullu ullunut

nalinginnaasunut qaqugu utersaassanerluta.

Taamaakkaluartoq Naalakkersuisut §2 stk 3 naapertorlugu pisinnaatitsissumik

qinnuteqaateqarnerminni piffissaq atuutinneqarfissaa sivisuallaarujussuartutut nalilerusupparput.

Ukiamut Inatsisartut ataatsimiinnissaat septemberimi pilersaarutaavoq, taamaammat inatsit

pisinnaatitsissut sivikinnerpaaffiminiitsinnissaa kialluunniit sulissutigisariaqarpaa, taamaammallu

innersuussutigerusupparput inatsimmi pisinnaatitsissut ukiap tungaanut atuukkallassasoq.

Pisariaqassappat taamanikkussamut eqqartuilluaqqereernikkut nalilersuilluaqqereernikkullu

sivitsoqqissinnaassavarput pisariaqassappat. Inuit pisinnaatitaaffiiagaanerat

sivikinnerpaaffiminiinnissaat qitiusariaqarmat aammalu pisariaqavissumik aatsaat

atuutitsisoqarnissaa inuillu pisinnaatitaaffii illersorneqarlutillu nalilersorluarneqartuarnissaat

periarfissaajuassammat, taakkumi innarlernaveersaagassatta pingaarpaat ilagilluinnarmassuk.

Puigussanngilarpummi akisussaaffiit pingasoqiusanngorlugit aggugaaneranni Inatsisartut

taakkuummata akisussaaffeqarlutik Naalakkersuisunut nakkutilliisuusussaatitaallutik

inisissimasuusut inuiaqatigiit sinnerlugit qinikkatut.

Nunap inuisa atugaat qinikkatut illersortussaavagut aammalu akussaasuseqarluta nunap inuinut

pitsaanerpaaq siunertaralugu nunap inui aallaavigalugu sulisussaavugut.

4/7

Nuuk 1. April 2020

UPA2020/18

Pele Broberg Partii Naleraq

Akisussaaffiit imminut ataqatigiinnerat aammalu imminut nakkutigeqatigiinnerat illersorlugulu

eriagisarisussaavarput.

Akisussaaffiit pingasunngorlugit agguarneqarneranni pingaartut ilagaat Inatsisiliortut, tassalu

Inatsisartut Naalakkersuisut Inatsisartuniit sulinerat nakkutigisussaavarput.

Pingasunngorlugit agguarneqarsimasuni aapparaat inatsisinik atuutitsisussat tassaallutik

Naalakkersuisut taakkulu inatsiartunit qinigaasunit nakkutigineqartussaapput.

Pinaguattullu inissisimasuupput eqqartuussisut, inatsisinik unioqqusisoqarsimatillugu

pillaasinnaasut.

Taamatut akisussaaffiit imminnut nakkutigalutik aaqqissuussaanerat inuit pisinnaatitaaffiinik

illersuinerupput aammalu akisussaassuseqartumik susassareqatigiittumik imminut

attuumassuteqaratik suleqatigiinnikkut akiussaassuseqartumik ingerlatassaapput illersugassaallunilu

taamatut agguarneqarsimanerat.

Partii Naleqqamiit pingaartitaraarput nunap inuisa illersugaanissaat aammalu pisinnaatitaafffiisa

illersornissaat. Pingaartitaraarput kinanguugaluarpat kinarsuugaluarpalluunnit tamarmik

assigiimmik periarfissaqarlutillu pineqarnissaat demokratip illersortuarneratigut.

Taamatut inatsisissatut siunnersuut Partii Naleqqamiit oqaaseqarfigererlutigu imatut naatsumik

naggasiuteqalaarusuppugut.

Partii Naleqqamiit qujassutigerusupparput nunap inui aallaavigalugit suliniaqataanitsinni taamatullu

siunnersuutigisaartakkagut innersuussutigisaartaakkagullu tusaaneqartarmata.

Qujanaq tusaaneqaratta nunatta avataaniit tikinneqarsinnaajunnaarlugu matuneqarnissaanik

tamaviaarutitsinnut, tuniluunneq pinngitsoortinniarlugu, naak tamanna sivisuumik

tamaviaarutigalutigu kingusinaangajattumik pigaluartoq. Qujanaq iliuuseqartoqarmat. Taamatut

piumasaqarnerpummi 12. marts missaanili innersuussutigisaarparput, tamannalu kiisami

Naalakkersuisut 20. marts unitsinniarlugu suaarutigaat, uagut siusinnerusukkut

perusussimagaluaripput.

Taamatullu atuarfiit matunissaat meeqqat angerlartinnissaat noqqaassutigisarput akuersissutaavoq,

tamannalu ullorpaaluit sioqqullugu piumasarisimagaluarparput, aammalu

naaperiaatigiinnarsimavarput aatsaat tallimanngornikkut Naalakkersuisut perusunnerusimagaat.

Neriuutigalutigu kingunisaarata najummatseqataasivagut

–

qujanaq tusaaneqaratta, qujanaq

iliuuseqartunut, naak aallaqqaammut tamanna aporfilersorniarneqaraluartoq. Qujanaq

naaperiaasunut.

Nualluutip siuaruaakkiartornera Kinamiit aallartilluni siaruaannera malinnaavigisimavarput

taamatullu nalunaarutit assigiinngitsut sunniutigisinnaasaat saqqummerartut ilanngullugit,

takusinnaalersimavarput imaannaanngitsumik ornitaqarluta taamaammallu martsip

aallartilaarneraniit noqqaassuteqqarsimavugut angallanneq mattunneqqanngittorli suli Inatsisartut

katersorneqartariaqartut, immikkut ittumik ataatsimiittariaqartut, maannakkullu

5/7

Nuuk 1. April 2020

UPA2020/18

Pele Broberg Partii Naleraq

uppernarsarneqarluni maannakkut pisariaqavinnera uppernarsarneqarlunilusooq ingerlanneqarnera

kingusinaaraluartoq qujarupparput.

Taamaammat ilaatigooriarluta immaqa innuttaasut misigisartut Inatsisartut ersarinnerusariaqarnerat

maanna takussutissaqalerpoq. Sulivugut.

Partii Naleqqamilu qujamasuutigaarput tusaaneqartarlutarnerput aammalu peqqutissaqarluarmat

ataatsimiinnissaq ulluni makkunani.

Neriuppugut Inatsisartut ataatsimiinnerat tamaanga kipitinneqarani, inuiaqatigiit sullinneqarnerat

kinguarsarnagu sulineq ingerlaqqissasoq. Partii Naleqqami piareersimavugut piffissami tulliuttumi

Inatsisartuni sulissalluta Naalakkersuisut kivitassaat naammareermata aamma uagut

nammaqataanissatsinnut piareersimaqataasariaqartugut sulisariaqartugut misigisimagatta.

Statsministerip nunatsinni pissutsit ernumassutigalugit 17. marts oqalugiaatimini eqqaavaa,

tamattalu Naalakkersuisut artukkerneqannginnerat anguniarlugu suleqataasariaqarpugut. Innuttaasut

tamatta ikiuussinnaavugut peqqussutit, innersussutit malillugit.

Uagut Inatsisartut nammaqataasinnaavugut, soorlu Danmarkimi folketing suliinnavissoq

suliniutaasut pitsanngorsarlugit.

Suliassattami ilarilluinnarpaat aningaasarpassuarnik kinguneqartussaq inuppassuarnut

aaqqiiviginissaa. Soorlu maanna ernumanerup nalaani inimut akiliutinik

nammataqarsinnaanngikkallarnissaq, suliffimmiit angerlartitaassagaanni imaluunniit

takornariaqarunnaarmat kaaviiaartitaqanngitsoornermi. Qularutigineqarunanngilaq nunatta karsia

aningaasanik attartuiinnarluni tamanna qaangerniarneranut suliniutini periarfissaanngitsoq.

Aammalu tuniluunnersuup qaangeriartuaarnerani qanoq nunatsinnut angallanneq

aaqqiiviginissaanik piareersarnerit takorloorneranik sulinissaq aallartittussanngulissaaq. Tamannalu

eqqarsaatigilluagaasumik ingerlasariaqarpoq tuniluunneq pilissanngippat.

Tassani takusinnaalereerparput neqeroorut apuunneqareersoq 17. martsimili periarfissarpassuarnik

ammaassisimagaluartoq. Immaqa qiviarnissaanut piffissanngoqqittoq.

Covd-19 screening test-it, misissuutit 250kr missaani akillit, 90% sinnerlugu eqquussisut coronamic

tunillatsissimanermut atortut, minutsini 15 iluani akissutissaqarfiusut periarfissat ilarilluinnarpaat.

Tassami nunatsinnut angalasut maanna ikiligaatsiarnissaat naatorsuutigissavarput, taamaasillutalu

kangerlussuaq atorluarlugu misissortarniaraanni nunatsinnukartut, angalasut 100.000

misissortarniaraanni ukiumut ”taamaallaat” 25mio akeqassalluni. Taakkulu 250kr bilitsip akianut

ilaatinneqarsinnaallutik.

Ullumikkut 1mia tungaanut aningaasartuutigisinnaaneranut sanilliullugu orniginarneroqaaq, naak

aningaasat pingaarnerunngitsut taamaammallu uagut siunnersuutigisimallugu nunatsinnut

angallanneq matugallarneqarnissaanut. Kisianni ulloqassaqqarpoq angallannerup

ammaqqinnissaanut, qanorlu takorloorneripput ingerlariaqqinissaq piareersimaffigisariarqarlutigu.

Allaammi takorluukkatsinnut ilaapput qanoq nunatsinni qinersineq kommuninut, inatsisartunut

imaluunniit folketingimut ingerlanneqarsinnaanissaat tuniluuttoqassagaluarpat. Demokrati

uninnavianngilaq tuniluunneqaraluarpalluunniit.

Tassa tamakku uagut ernumassutissagut qinikkatut, ilissi tusarnaartut malinnaasut nunatsinni

eqqissillusi ulluinnarsiutisi ingerlanniassagassigit. Akisussaaffik tamaat Naalakkersuisunut

6/7

Nuuk 1. April 2020

UPA2020/18

Pele Broberg Partii Naleraq

atorfinittanullu tunniunneqaannarsinnaanngilaq piffissami taama sivisutigisumi, nunap inuisa

qinigaat akisussaasuseqartumik suleqataasariaqarput, neriuppugut inatsisartuni ilaasortaqatitta

oqariartuutigu paasillugit tapersersueqataaffigissagaat demokratiip nunap inuisalu pisinnaatitaaffi

pitsaanerpaamillu kiffartuunneqarnissaat eqqarsaaatigalugu.

Qujanaq

7/7