L 192 - 2019-20 - Bilag 1: Ordførerindlæg og udvalgsbetænkning fra Inatsisartuts behandling af et forslag til inatsisartutlov fra naalakkersuisut om ændring af Grønlands epidemilov, som har en sammenhæng med lovforslag L192.

Grønlandsudvalget 2019-20
L 192 Bilag 1
Offentligt

Nunatta Qitornai

Inatsisartuni

01.april 2020

IIA2020/18

Uunga siunnersuut: Nappaatit tunillaassortut akiorniarlugit iliuutsit pillugit

Inatsisartut peqqussutaata allanngortinneqarnera pillugu Inatsisartut inatsisissaat nr.xx, xx.xxx-

imeersoq

(Tunillaassuinerup pinaveersaartinniarnerani siaruarnaveersaartinniarneranilu aamma

sullissiniarnermi pisariaqartitat il.il. qulakkeerniarneranni iliuuseqartoqarsinnaanermut

annertusaaneq)

Naalakkersuisut kissaateqarput Kalaallit Nunatsinni pisut ilungersunartorujussuarmik inissisima-

soqarnera peqqutigalugu ullumikkut Inatsisartut immikkut ittumik inatsisissamik suliaqaqqulluta

ataatsimiissasugut.

Siullermik Naalakkersuisut nersualaaqqaarumavagut sulilluarnerinut. Nualluussuup tuniluuttut nu-

narsuarmioqatigiinnut ilungersunartumik atugaqartitsisup Nunatsinnut apuunnerani akisussaaffim-

mik kusanartumik tigusinerinut aammalu innuttaasunut qanimut suleqateqarlutik toqqissisimanis-

samut siuttuunertik takutimmassuk. Sulilluarnerisa kingunerisaanik qujanartumik maannamut ajor-

nerusumik atugaqanngilagut. Qujanaq akisussaaffik tamatta sinnerluta kusanartumik tunnisuimal-

lusilu ingerlatsinissinnut minnerunngitsumillu peqqinnissaqarfimmi sulisorpassuit allallu inui-

aqatigiit unittuunngilluinnarnissaannik tunniusimallutik ulloq unnuarlu sullittunut qujaniarnerput

apuukkusupparput.

Pissutsit takorlooreersimasinnaanngisavut ullutsinni atuupput, maani nunarsuarlu tamakkerlugu.

Inuiassuit tupaqqavugut, ernumavugut aammalu inuiassuit napparsimarrapput. Inuiassuit akorn-

anni nualluussuup nassatarisaanik inuppassuit toqorarput, inuppassuit perulupput aammalu in-

uppassuit ullut tamaasa suli aattorneqarput.

Ernumanartut pinngitsoorniarlugit nualluussuullu corona virusip covid 19-ip siaruattaalineqarnis-

saanut suliniarnermi tamakkiisumik uagut suleqataassuugut tunuliaqutaassuugullu.

Nualluussuaq parteeqaranilu qalipaateqanngilaq kisiannili nunarsuarmioqatigiit tamarmik ataatsi-

moorluta akiorniassallugu sulissuugut immitsinnut ilinniarfigaluta aammalu immitsinnut isigaluta

periutsit iluattittut aammalu periutsit iluatsinngitsut ilinniarfigalutigit.

Inatsisartutigut inatsisit akuerineqarsimasut martsip 16-ata kingorna, tassalu Nunatsinni covid-19-

imut tunillatsissimasoq siulleq pasitsaanneqarneranit ersersinneqarpoq inatsisit atuutereersut

akiuiniarnermi naammanngitsut, tamanna aamma soorlu Danmarkimi takugipput Folketingimilu

aamma immikkut inatsisissamik suliaqartariaqarneranik akuersisariaqarneranillu kinguneqartoq.

Side

L 192 - 2019-20 - Bilag 1: Ordførerindlæg og udvalgsbetænkning fra Inatsisartuts behandling af et forslag til inatsisartutlov fra naalakkersuisut om ændring af Grønlands epidemilov, som har en sammenhæng med lovforslag L192.

Nunatta Qitornai

Inatsisartuni

Naalakkersuisut folketingimi issatsiannguaq inatsisissaq akuersissutigineqartoq annertuumik tunng-

avigaat, tupinnanngitsumik.

Qujanartumik innuttaasut pisortat inassuteqaataat peqqussutaallu malippaat taamaasilluni mianer-

sornerup nassatarisaanik nualluussuup siaruatsaalineqarnerani suleqataallutik. Toqqissisimanarpoq

nuannaajallannarlunilu pisariaqarfiani uagut kalaallit qanoq ataatsimuullaqqitsiginerput immitsin-

nullu qanoq illersullaqqitsiginerput takullugu. Tuppalliutiginngitsuugassaanngilaq sanngiinnerusor-

tatsinnut illersuiumalluta qanoq annertutigisumik inuttut pilliuteqarsinnaaneq inuiaqatitsinni ta-

kullugu.

Taamaakkaluartoq inoqarpoq peqqussutinik innersuussinernillu malinninnissaminnik peqqu-

tissaqanngitsutut misigisimasunik iliuuseqartunillu. Taakkua mianersugaalliornerisa kingunerisaanik

inuit allat tunillatsissinnaanerinik aammalu ulorianartorsiortissinnaanerinik inissisimatitsipput.

Taakkua pissusilersornerisa toqqissisimannginneq angisooq nassataritittarpaat aammalu pisari-

aqanngitsumik pinngitsoortinneqarsinnaasumillu tunillaassuunneq pilersissinnaavaat. Tamanna

pinngitsoortinniarlugu sukaterineq pisariaqartoq paasilluarparput iliuuseqarniarnermilu tunuli-

aqutaanerput nalunaarutigaarput.

Inatsisissatigut sukaterineq pisariaqarpoq. Inatsisissatigut inuiaqatigiit aaqqissugaanitsinni nukittu-

nerusumik illersorsinnaasumillu inissisimanissarput pisariaqarpoq. Inatsisissatigut tamat oqar-

tussaaqataanerata aqqani inuit illersorneqarnissaat pisariaqarpoq. Inatsisissatigut tunngaviusumik

inatsiseqarnerup inuit illersorneqarnerat ataqqineqarluni sinaakkuteqarnissamik qulakkeerinninnis-

saq pisariaqarpoq. Inatsisissatigut inuiaqatigiinni unamminartoq akiorneqarniarnerini sakkussat

pisariaqartut qulakkeerneqarnerisigut toqqissisimaneq atuutsitsiniarnermilu nalorninnginnissaq

qulakkeerneqarnissaq pisariaqarpoq.

Ulluni makkunani inuit pisinnaatitaaffii tungavigalugit isummersoneq tusaavarput, aamma taamaat-

tussaavoq. Inatsisiliornerit tamarmik inuit pisinnaatitaaffiinik illersuisumik aammalu uniungitsumik

ingerlatsinissami pisussaaffik pioreerpoq. Inuit illersorumallugit inuillu inatsisitigut iller-

sorneqartumik tunngaveqartumik inatsiseqarnissaq qitiuvoq, tamannalu Naalakkersuisut aamma

sulinerminni qitiutippaat.

Inuiaqatigiittut aaqqissugaanitsinni tunngaviusumik inatsimmik tunngaveqartumik ingerlatsinitsinni

sinaakkutissat tamarmik taassuma iluani pisut piginnaatitsissutip namminerisamik takutippaa. Pis-

saanerup aggulunneqarnera aammalu atuutsinneqarnera tunngavigalugu ingerlatsineq toqqissisi-

manartoq illersugaraarput, tunaartaraarput siunnerfigaarpullu.

Side

Nunatta Qitornai

Inatsisartuni

Nualluussuup akiorniarneqarnerani qaatusimasumik, toqqissisimasumik, peqataatitsiffiusumik,

qaammarsaaviusumik, mianersortumik, akisussaaqataaffiusumik siaruatsaalioqataaffiusumillu

inatsisitigut patajaatsumik paatsuugananngitsumillu tunngaveqarluni ingerlanissatsinnut Naalak-

kersuisut innersuussaqarnerini tamakkuusumik tunuliaqutaanerput erseqqissarusupparput.

Inuiaqatigiinni sanngiinnerusortavut, utoqqartavut nunaqqativullu tamaasa illersorumallugit sullit-

tortavut sakkussaanik inatsisitigut atugassaatigut tunuliaqutserpavut.

Inatsisissat uuma atuuttup taartissaanik Naalakkersuisut suliaqalersaarnerat ilassilluarparput.

Inatsisissatut siunnersuummi atuuffissaanut siunniussarineqartoq ullulerneqarsimasoq isumaqar-

pugut uniffiginagu Tunillaassortumik Nappaalanersuaqarnermut Ataatsimiititaliarsuup mianersoq-

qusinerata aammalu ulorianartumiikkunnaarnerput nalunaarutigineqarnissaata tungaanut atuu-

tissasoq isumaqarpugut, taakkuummatami sinaakkusiisut inuiaqatigiinni qanoq iliuuseqarnissatsin-

nut aammalu peqqusissutai innuttaasunit malinneqarnissaannik innersuussaqartuusut. Soorunami

siumooreersumik ilisimanngilarput nualluussuup qanoq sivisutigisumik tuniluussinnaanera piuner-

soq taammaammat siumooreersumik aamma ulluleereersinnaanngitsugut isumaqarpugut. Minner-

paamik Naalakkersuisut inatsisissap nutaassap piareerluni akuersissutigineqarnissaata tungaanut

inatsisissaq atuutissasoq isumaqarpugut.

Inuiaqatigiit ataqqineqarlutik, angerlarsimaffii ataqqineqarlutik, nunap peqqussutai ataqqineqarlu-

tik, ikioqatigiiffiusumik peqataatitsiffiusumillu nualluussuup akiorniarneqarnerani inatsisitigut sak-

kussatigut tunuliaqutsiivugut.

Inatsisit tunngaviusut innarlernagit sinaakkutigaluguli ingerlaneq pissaaq.

Inatsisip atuutilersussap allanngortariaqarnerani, misilittakkat katersorneqarnerani inatsisissap

taarsiissutaajumaartussamut mianerisassat misilittakkallu ilaatinneqarnissaanut eqqummaarit-

toqarnissaanik kaammattuivugut.

Taamatut oqaaseqarluta Naalakkersuisutsinnut sulinerminnut kusanartumut ingerlariaqqinnissaa-

nut tunuliaqutsiivugut oqaatigineqartullu nalunaarusiornerminni aamma ataqqillugit ingerlari-

aqqinnissaannik kissallugit.

Side